I Timoteos 6:19 - Ashiri Aeuitaknup Iyohaichish Yona 1897

¹⁹ pirika iki ambe gusu nuye an no iki, eimek wa utara tura no koro hine iyoshi no ek kusu ne pakihi gusu, yaikota gusu pirika asamaha ande wa nei inotu, son no inotu, aeumashnure kuni ne kashpaotte yan.

I Timoteos 6:19 ပူးပေါင်းရင်းမြစ်များ

Iyohaichish 17:14

Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne.

Mattaios 19:21

Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan.

Roukos 12:33

Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.

Roukos 16:25

Koroka, Abraham ene itak-hi :— poho, eani kanna moshiri ta e an rapoketa e koro pirika okaibe e kon nisa ruwe ne, orowa, Razaros anak ne nei no korachi wen okaibe kon nisa ruwe ne-hi eshkarun yan: koroka, tane anak shinuma teda an wa aomaoma wa an, eani anak ne aiuninka wa an na.

Roukos 16:9

Shui, echi otta Ku ye, nei ambe isam kusu ne chiki, shiokere shomoki oshiroma-i orun echi ahuptere kuni gusu oupeka sak ikoro ani yaikota gusu ikatairotke utara kara yan.

Roukos 18:2

Shine an machiya ta Kamui ko-ishitoma shomoki, ainu ka ko-oripak shomoki koipishi guru an:

Roukos 18:22

Yesu nei itak nu chiki otta ene itak-hi :— E sak no an ambe naa shinep an; nep ne yakka e korobe obitta ehok wa otek-sak utara otta eimek, yak anak ne kando oshiketa ikoro e koro kusu ne: orowa, ek hine En osh oman yan, ari itak.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Piripoi 3:12

Kuani koro okere nei no shomo ne, samata, kuani aeramushinnere okere nei no shomo ne: koroka, nekon a ka, gusu Kiristo Yesu ani a en shikkashima okaibe, kuani ne yakka shikkashima kuni gusu ku keshke na.

Piripoi 3:14

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

I Timoteos 6:12

ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

II Timoteos 1:1

Kiristo Yesu oshiketa an inotu akore kuni eitakamkire an korachi Kamui irenga ankushkerai Kiristo Yesu koro Apostoro ne Pauros ku ne anak ne, ku omap an poho Timoteos otta kambi omande na:

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

I Petros 1:4

kando oshiketa eumashnu wa an munin shomoki, turu-sak wa, shomo shumumge eikeshkorobe shikkashimare kuni ne, rai orowa no Yesu Kiristo hetopo-shiknure ambe ani koro poro rampoken gusu ishu chipachipa kuni ambe otta hetopo un shikore,