I Timoteos 6:17 - Ashiri Aeuitaknup Iyohaichish Yona 1897

¹⁷ Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

I Timoteos 6:17 ပူးပေါင်းရင်းမြစ်များ

Iyohaichish 104:28

Aokai kore okaibe nei ambe uina; E koro tekehe E pirasa chiki pirikap gusu eramushinne ruwe ne.

Iyohaichish 52:7

Ingara, tambe anak Kamui ani yaikota koro chashi ne shomo kara gunʼ ne, Koroka, shinuma anak ne koro ikoro poro wa gusu otta eyaikopashte, Shinuma anak wen yainu-hi gusu okirashnu ruwe ne, sekoro itak.

Iyohaichish 62:10

Usshiune gusu iteki eyaikopashte, Ikka gusu iteki pakesara. Aeoteknup ainnere chiki orun iteki chipachipa yan.

Iyohaichish 62:8

Uirup utara, ramma shinuma orun eyaikopashte yan; Shinuma kotchaketa echi koro sambe echikiki yan: Kamui anak ne un gusu an numne ushi ne ruwe ne. [Sera.]

Mattaios 12:32

Orowa, nen ne yakka Ainu Poho epeka sempiroitak ki guru an yakka atusare kusu ne, koro-ka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.

Mattaios 19:23

Orowa, Yesu anak ne koro koikara utara otta ene itak-hi :— Son no echi otta Ku ye, Ikoro koro guru Kando moshirʼotta ahun-i anak ne hokamba ruwe ne.

Mattaios 25:16

Ashikne taranton akore gurʼanak ne nani nei ambe koro wa ani iraugetupa hine naa ashiknep epirika nisa ruwe ne.

Mattaios 27:57

Shirikunne an koro Arimatea kotan un Yosep ani aye oteknu guru ek na, shinuma yaikota ne yakka Yesu koikara gunʼne ruwe ne:

Mattaios 6:32

obitta tan okaibe anak ne oya guru hunarape ne ruwe ne: koroka, kando otta an echi koro Michi anak ne obitta tan okaibe echi koro kunip ne sekoro eraman wa an ruwe tapan na.

Markos 10:24

Orowa, koikara utara Shinuma ye itak eoyamokte. Koroka, Yesu shui ese wa nei utara otta ene itak-hi :— Poho, aeoteknu ambe eyaikopashte utara Kamui moshiri orun ahup-i nep hokamba ruwe!

Roukos 19:2

nei kotan kush korʼan nisa ruwe me. Awa, Zakkeos ani an reihei koro, yaku-etaye utara esapane guru an; shinuma oteknu guru ne ruwe ne.

Roukos 3:11

Orota shinuma ene ese-hi :— Tu anrip koro guru anak ne amip sak guru otta kore; aep koro guru ne yakka shem korachi ki yan, ari itak.

Apostoro ikip oma kambi 14:17

Yakka, Yaikota gusu paweteshu isam no ki shomoki, inambe gusu ne yakun, Shinuma pirikap ki wa kando wano apto kore hene ki nuye an no paha kore hene ki, samata, aep ani hene yaikopuntek ambe ani hene echi koro sambe shikte nisa ruwe ne, ari itak.

Apostoro ikip oma kambi 14:27

Aige, araki wa karisia uwekarapare chiki, tura no Kamui ikichi obitta no okaibe hemhem, Oya uirup gusu eishokor-i kuni an apa Shinuma maka orushpe hemhem ye wa nure nisa ruwe ne.

Apostoro ikip oma kambi 17:25

shui, Shinuma anak ne nep ka eishiramne korachi, ainu teke ani aeyaishieiwangere eaikapbe ne ruwe ne; Shinuma yaikota anak ne obitta no okai utara otta inotu hemhem, heisepa hemhem, nep ne yakka hemhem koropare ruwe ne gusu ne na; orowa,

Roma 11:20

Pirika, nei utara eumbipka gusu okayepa nisa ruwe ne, orowa, aokai anak ne eishokor-i gusu ash shiriki ruwe ne.

Epesos 5:5

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

Korosai 3:16

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

I Tessaronike 1:9

Inambe gusu ne yakun, nei utara yaikota ye wa nekon a chi ki hine echi tumugeta ahup ash ya un gusu assuru ashte ruwe ne: samata, ishu newa son no an Kamui gusu yaishieiwangere hemhem ki, kando orowa no ek Shinuma koro Poho untere hemhem ki kuni ne potoki echi emakba wa Kamui orun hosari an ambe ye nisa ruwe ne;

I Timoteos 1:3

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

I Timoteos 3:15

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

I Timoteos 5:21

Oheuge sak no tap okaibe e iki, ainu kashiramu gusu shomo ki no nep ne yakka ki kuni ne Kamui tek-samata newa Kiristo Yesu teksamata newa anumge wa okai Kamui hauturumbe tek-samata newa e ikashpaotte ash na.

I Timoteos 6:13

Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

I Timoteos 6:9

Koroka, yaieoteknure rusui utara anak ne, isamka ambe newa wen ushike ta utara esumba wa aronnu korachi an akoramnukara ambe newa akbe newa inne no okai ohaita iwende ibeporore ambe oro-oshma ruwe ne.

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Titus 3:6

Shinuma anak ne chikoro un kashiobiukip ne Yesu Kiristo ankushkerai nuye an no nei ambe un kashita echikiki nisa ruwe ne;

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.