I Timoteos 6:13 - Ashiri Aeuitaknup Iyohaichish Yona 1897

¹³ Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

I Timoteos 6:13 ပူးပေါင်းရင်းမြစ်များ

Mattaios 27:11

Orowa, Yesu anak ne nei esapane guru kotpokita ash; awa, esapane guru Shinuma otta nu wa ene itak-hi :— Eani anak ne Yudea un utara esapane guru

Mattaios 27:2

Yesu raige kuni eukoramkon nisa ruwe ne: awa, Shinuma tupetupe wa itura hine kotan shikkashima guru Pirato otta ekoshi nisa ruwe ne na.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 19:11

Otta Yesu ene ese-hi :— Kik orowa no e koropare shomoki yak anak ne En epeka no mondum e koro shomoki kusu ne ruwe ne: tambe gusu, e otta En ekoshi gurʼanak ne naa poro katpak an, sekoro itak.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 5:26

Inambe gusu ne yakun, Michi anak ne yaikota yaioshiketa inotu koro korachi, tambe nei no Poho ne yakka yaikota yaioshiketa inotu koro kuni otta Shinuma kore nisa ruwe ne:

Apostoro ikip oma kambi 17:25

shui, Shinuma anak ne nep ka eishiramne korachi, ainu teke ani aeyaishieiwangere eaikapbe ne ruwe ne; Shinuma yaikota anak ne obitta no okai utara otta inotu hemhem, heisepa hemhem, nep ne yakka hemhem koropare ruwe ne gusu ne na; orowa,

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

I Timoteos 1:12

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

I Timoteos 2:5

Inambe gusu ne yakun, shine Kamui an, Kamui newa ainu uturu shine iyuturuoma guru an, ainu ne,

I Timoteos 5:21

Oheuge sak no tap okaibe e iki, ainu kashiramu gusu shomo ki no nep ne yakka ki kuni ne Kamui tek-samata newa Kiristo Yesu teksamata newa anumge wa okai Kamui hauturumbe tek-samata newa e ikashpaotte ash na.

I Timoteos 6:12

ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 21:6

Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.

Ekambakbe 22:1

Orowa, shinuma anak ne nei nachiya onnaigeta,

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi: