I Timoteos 6:12 - Ashiri Aeuitaknup Iyohaichish Yona 1897

¹² ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

I Timoteos 6:12 ပူးပေါင်းရင်းမြစ်များ

Iyohaichish 63:8

Ku ramat anak ne E kashirari wa oman, E koro shimon tek anak en nitatpa nisa ruwe ne.

II Korintos 6:7

shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

II Korintos 9:13

nei utara anak ne tap an aeyaishieiwangere-hi uwande ankushkerai, Kiristo koro Pirika shongo gusu an eyaipushi-hi ekoitaknu ambe gusu hemhem, nei utara otta ne yakka obitta no okai utara otta ne yakka nuye an no tura no echi ikichi gusu hemhem Kamui koiramye shiriki okai an ruwe ne;

Piripoi 1:30

shui, teeda en oshiketa echi nukara, orowa shui, tane an en otta an sekoro anu yairamkoiki ambe echi utara kon ruwe ne na.

Korosai 3:15

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

I Timoteos 1:18

Ku poho ne Timoteos, ani pirika tumi e kotumikoro iki kuni ne, teeda e kashita etoko arapa uweingarape an korachi,

I Timoteos 1:19

ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:

I Timoteos 4:14

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

I Timoteos 6:13

Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

I Timoteos 6:19

pirika iki ambe gusu nuye an no iki, eimek wa utara tura no koro hine iyoshi no ek kusu ne pakihi gusu, yaikota gusu pirika asamaha ande wa nei inotu, son no inotu, aeumashnure kuni ne kashpaotte yan.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:2

Orowa, inne paweteshu utara tumugeta en otta e nu okere okaibe, epakashnu eashkai sone an moshima utara otta ne yakka shikashimare yan.

II Timoteos 4:7

Pirika ukoiki ambe ku ki okere, pakno ku hoyupu kuni-hi ku oman okere aeishokor-i ku shikkashima nisa ruwe ne; tewa no en gusu oupeka sapa-umbe eumashnu wa an;

Hebraios 13:23

Chikoro iriwak ne Timoteos anak ne ahonnere okere sekoro eramu yan; shinuma naa pon no okaketa ek yakun, tura no echi nukara ash kusu ne.

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.