I Timoteos 5:8 - Ashiri Aeuitaknup Iyohaichish Yona 1897

⁸ Koroka, inan ainu ne yakka yaikota korobe gusu, makangane yaikota koro uni un utara gusu, etoko-oiki shomoki yakun, shinuma anak aeishokor-i eshikashke ruwe ne, aige, eishokoro shomoki guru kasu no wen guru ne ruwe ne na.

I Timoteos 5:8 ပူးပေါင်းရင်းမြစ်များ

Mattaios 18:17

Orowa, nei paweteshu utara ye itak nu shomoki chiki, karisia otta ye; karisia ye itak ne yakka nu shomoki yak anak ne shinuma yaku-etaye guru hene oya guru hene korachi otta iki yan.

Mattaios 7:11

Wen buri koro echi utara ne yakka pirika eikrap koro poho otta koropare katu aramu yakun, kasu no kando otta an echi koro michihi anak ne koramkoro guru otta pirikap shomo koropare ruwe he an?

Yoannes 15:22

Kuani anak ne ek wa nei utara otta Ku ye a shomoki yakun, katpak koro shomoki kusu ne ap; koroka, tane anak nei katpak gusu yaiunashke ushike sak ruwe ne.

I Korintos 6:6

Koro iriwak uturu esanniyo eashkai shine wayashnu guru anukara eaikap gusu eishokoro shomoki utara kotchake un echi paye wa koipishire poka pakno echi ki ya?

II Korintos 12:14

Ingaraʼan, tambe anak ne kuani echi orun ku ek kuni re ikinne an etokooiki okere an ambe ne ruwe ne; awa, shomo echi iramu-ikurukurure ash kusu ne: inambe gusu ne yakun, echi korobe shomo ku ehunara, koroka, echi ku ehunara shiriki ruwe ne: poho utara anak ne eshikop utara gusu okaibe eumashnu kuni ambe shomo ne, koroka, eshikop anak poho utara gusu eumashnu kunip ne ruwe ne gusu ne na.

II Korintos 6:15

Shui, Kiristo anak ne Beriaru gusu nep irenga an a? Samata, eishokoro guru anak ne shomo eishokoro guru tura nepi ushike kon ruwe he an?

Garatea 6:10

Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

II Timoteos 2:12

yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:

II Timoteos 3:5

koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

Titus 1:16

Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.

II Petros 2:1

Koroka, nei utara tumugeta shunge uweingara utara ka hopumba nisa ruwe ne; tambe nei no, chashnu no an aisamka-i yaikoropare, orowa no nei utara hok Nishpa poka eshikashke, Kamui orushpe ohoge yainu ambe nuina no ahupte shunge epakashnu utara echi tumugeta ne yakka hopumba kusu ne na.

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 3:8

e ki ikip Ku eraman (ingarʼan, nen ne yakka seshke eaikap asarare wa an apa e kore ash na), eani anak ne pon no kiroro koro, orowa, Ku itak shikkashima, aige, Ku reihei shomo eshikashke nisa ruwe ne.