I Timoteos 5:3 - Ashiri Aeuitaknup Iyohaichish Yona 1897

³ Son no okai shiyompiyara shiwentep kooripak yan.

I Timoteos 5:3 ပူးပေါင်းရင်းမြစ်များ

Iyohaichish 146:9

Ehoba anak ne oya utara koshiratki; Eshikop sak utara newa shiyompiyara shiwentep nitatpa ruwe ne; Koroka, Shinuma wen utara kon ruhu oheugere ruwe ne.

Iyohaichish 68:5

Koro Ashkanne oshiroma-i ta okai wa, Michi sak guru koro michi ne, shiyompiyara shiwentep gusu koipishi ki Kamui ne ruwe ne.

Iyohaichish 94:6

Nei utara anak ne shiyompiyara shiwentep newa oya guru newa ronnu, Orowa, eshikop-sak utara keweuk ruwe ne.

Mattaios 15:6

shinuma anak koro onaha kooripak shomoki kusu ne ruwe ne. Echi utara anak ne koro oina gusu Kamui itak isamka ruwe ne.

Mattaios 23:13

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,

Roukos 2:37

orowa, ine pa ikashima ine hotne pa pakno shiyompiyara ne ruwe ne), nei shiwentep inonno-itak newa shomo ramnu kip ani Kamui otta yaishieiwangere wa kunne-to ta hene tokap-to ta hene Kamui kora kenru orowa no oman shomoki nisa ruwe ne.

Roukos 7:12

Awa, Shinuma nei machiya apa ko-ehange no ek ita anak ne, ingarʼan, rai guru machiya orowa no aani shiri an ruwe ne; koro habo anak shiyompiyara ne, rai guru anak ne shinuma shinen ne poho ne ruwe ne; orowa, nei machiya un inne utara nei shiwentep tura no okai ruwe ne na.

Yoannes 1:47

Orota Natanaeru ek shiri Yesu nukara chiki, shinuma epeka no ene itak-hi :— Ingarʼan, keutumuta irara sak son no Israeru un guru an!

Apostoro ikip oma kambi 6:1

Orowa, tan toho ta, koikara utara pishki-hi ainnere ita, koro shiyompiyara shiwentep kesto gusu an eungerai ambe kama ruwe ne gusu Herenes un utara tumta Hebrai un utara epeka no oromam hopuni nisa ruwe ne.

Apostoro ikip oma kambi 9:39

Aige, Petros hopuni wa tura no arapa. Orowa, ek chiki, nei rikta an tumbu ta tura: awa, obitta no okai shiyompiyara shiwentep anak ne samaketa roshki wa chish, orowa, tura no an ita Dorkas kara aikushte anrip newa chimipi shinuma nukare.

Apostoro ikip oma kambi 9:41

Orowa, teke koshishimare wa hopunire; aige, ashkanne utara newa shiyompiyara shiwentep hotuyepakara wa shiknu no koropare nisa ruwe ne.

I Tessaronike 2:6

samata, Kiristo koro Apostoro utara ne-hi korachi an wa echi orowa no a un eoripakte kuni ne ki eashkai ita anak, echi orowa no ne yakka, moshima utara orowa no ne yakka, ainu utara orowa no ne yakka airamye kuni ambe shomo chi hunarapa ruwe ne na.

I Timoteos 5:2

upen utara ne yakun; uiriwak utara korachi; rupne shiwentep utara ne yakun, habo korachi, upen mat ne yakun, nep turu-ushbe sak no, turesh korachi iki yan.

Yakob 1:27

Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

I Petros 2:17

Obitta no okai utara ko-oripak yan. Iriwak ne utara omap yan. Kamui koishitoma yan. Ahekote nishpa ko-oripak yan.

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.