I Timoteos 5:17 - Ashiri Aeuitaknup Iyohaichish Yona 1897

¹⁷ Pirika no epungine puresbuteros utara eusamanu aainukoro kunip ne sekoro esanniyo yan, makangane nei itak gusu ne yakka epakashnu ambe gusu ne yakka monraige utara epeka nei no iki yan.

I Timoteos 5:17 ပူးပေါင်းရင်းမြစ်များ

Mattaios 24:25

Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki:

Roukos 10:7

Orowa, nei chisei ta echi reushi wa ikore an aep ibe hemhem ki iku hemhem ki yan: monraige guru anak ne pummaha uk kuni guru ne ruwe ne gusu ne na.

Roukos 12:42

Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?

Yoannes 4:38

Otta shomo echi monraige ushike echi nange kuni gusu echi payere ash: moshima okai utara monraige, awa, nei moni otta echi ahup nisa ruwe ne.

Apostoro ikip oma kambi 11:30

aige, nei no ki hine Barnabas newa Sauros teke ani ekashi utara otta nei ambe omande nisa ruwe ne na.

Apostoro ikip oma kambi 20:35

Nep ne yakka gusu kuani echi epakashnu nisa; nei no echi monraige wa turasak utara kaobiuki kunip echi ne, orowa, Utarapa ne Yesu Shinuma yaikota ye itak ahupkara kasu no kore katu anak naa anunuke ambe ne ruwe ne, sekorʼan ambe echi eshkarun kunip ne ruwe ne.

Apostoro ikip oma kambi 28:10

aige, nei utara poron no aeoripakbe ani un ainukoro; orowa, hopumba wa atuitomotuye chiki nep chi eishiramne okaibe chip otta omare nisa ruwe ne na.

Roma 12:8

epakashnu yan; onishnishi kuni ambe ne chiki, onishnishi yan; eungeraitep kore kuni ambe ne chiki, eikaun no koropare yan; epungine kuni ambe ne chiki, yuptek no epungine yan; rampoken sange kuni ambe ne chiki, yaikopuntek no ki yan.

Roma 15:27

ruwe un, tambe anak nei utara pirika irenga ne; aige, nei utara ashosere utara ne ruwe ne. Inambe gusu ne yakun, Oya un utara anak ne tura no nei utara koro kuni ramat gusu an okaibe akore utara ne akan nisa yakun, itasa netobake gusu an okaibe shinuma utara gusu ka eiwangere kuni utara ne ruwe ne na.

Roma 16:12

Utarapa otta iki Tripainas newa Triposas uwekap an.

I Korintos 15:10

Koroka, Kamui irenga gusu kuani ku an korachi okaibe ku ne ruwe ne; orowa, a en koropare Shinuma koro irenga anak ne seenne raka isam no a en koropare ruwe ne sekoro anukara; koroka, obitta no okai nei utara kasu no kuani naa poron no ku monraige nisa ruwe ne na: yakka, kuani shomo ne, koroka, a en koropare Kamui irenga iki ruwe ne.

I Korintos 16:16

nei no okai utara otta hene, tap ikip gusu iki wa monraige pishno an guru otta hene echi itaknu kuni kuani echi onishnishi ash ruwe ne.

I Korintos 3:9

Inambe gusu ne yakun, chi utara anak ne Kamui tura no ikip iki utara chi ne: echi utara anak Kamui kara kot toi ne, Kamui aashtep ne ruwe ne.

II Korintos 6:1

Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

Garatea 6:6

Itak gusu aepakashnu gurʼanak ne, epakashnu ki

Piripoi 2:16

kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

Piripoi 2:29

Tambe gusu, Utarapa oshiketa shinuma uk wa nupetne yan; samata, nei no okai ainu ko-oripak yan:

Piripoi 4:3

Ruwe ne wa, en tura son no monraige ki guru aokai ne yakka ku onishnishi ruwe ne, tan shiwentep utara ikashiu yan, inambe gusu ne yakun, nei utara anak ne Kurementos ne yakka, orowa moshima okai kon reihei inotu un kambi-sosh kata anuye wa an en tura monraige utara poka pirika shongo otta monraige nisa ruwe ne gusu ne na.

I Timoteos 3:5

(koroka, ainu anak ne nekon a yaikota koro uni epungine ambe erampeutek chiki, hemanda iki wa Kamui karisia shikkashima eashkai ruwe he an? tanebo baptisma akore guru shomo ne,)

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

I Timoteos 4:14

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

I Timoteos 4:16

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

I Timoteos 5:19

Tun ren paweteshu guru iki ambe shomo ne yakun, puresbuteros epeka eiyonnuppa ambe iteki uk yan.

I Timoteos 5:3

Son no okai shiyompiyara shiwentep kooripak yan.

II Timoteos 2:6

sapa-umbe shomo aunu ruwe ne Monraige wa etoita gurʼanak ne hoshiki no nei hetuku ibehe ibe kunip ne.

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Hebraios 13:17

Echi epungine utara koitaknu wa otta yairapo-kikara yan: nei utara anak ne echi kon ramat gusu shiruwande wa okai, gusu aesanniyo kusu ne utara korachi nep; nei utara nuwap shomoki no, nupetne no iki kuni ne kara yan: shomo ne yakun, tambe echi gusu raka-isambe ne ruwe ne gusu ne na.

Hebraios 13:24

Obitta no okai echi epungine utara, obitta no okai ashkanne utara tura, ekap yan. Itaria un utara echi ekap an na.

Hebraios 13:7

Echi epungine utara, Kamui itak echi orun ye utara eshkarun yan; orowa, nei utara ene moshiri koapkash wa ikichi ambe esanniyo hine, koro eishokor-i koikara yan.