I Timoteos 5:14 - Ashiri Aeuitaknup Iyohaichish Yona 1897

¹⁴ Tambe gusu, upen shiwentep utara anak ne hoku koro wa poho shikore, orowa, epokba guru oitakushi gusu an ika shomo kore hine koro uni shikkashima kuni ku kon rusui ruwe ne;

I Timoteos 5:14 ပူးပေါင်းရင်းမြစ်များ

Roma 14:13

Tambe gusu, tewa no poka, iteki utashpa ukokoipishi yanro: koroka, koro iriwak kotchaot iteki ureepetchiure kunip iteki hachire kuni ika aande kuni ne makangane esanniyo yan.

II Korintos 11:12

Kamui eraman. Koroka, iki ika kon rusui utara gusu an ikkeu ku isamka kuni ne ku ki korʼan okaibe ikichi kushki na, otta nei utara yaiomonnure gusu, chi utara korachi nei utara anukara kuni gusu ne na.

I Timoteos 2:8

Tambe gusu nei ita ne yakka okai utara anak ne kimakara newa utumashi keutum isam no turu-sak tekehe puni hine inonno-itak ki kuni ku kon rusui ruwe ne.

I Timoteos 4:3

nei utara matakore ambe hattoki hemhem ki, sonep eishokoro wa eraman utara iyaiiraige koro auina kuni Kamui kara aep gusu shomo ramnu ki ambe kashpaotte hemhem ki ruwe ne.

I Timoteos 5:11

Koroka, upen shiyompiyara shiwentep gusu iteki sapaha nuye yan: inambe gusu ne yakun, nei utara Kiristo gusu keutum ehaita chiki,

I Timoteos 6:1

Rekut unbe pokta ausshiune wa okai utara yaikota koro nishpa aainukoro kunip ne sekoro esanniyo yak pirika, tambe anak ne Kamui reihei newa nei epakashi shomo akoatcha kuni gusu ne na.

Titus 2:5

koro poho utara koomap kuni ne kara yan, shui, keutum yaieashirikara, turu-sak, koro uni ta monraige, ramu-hauge, Kamui itak iteki akoatcha kuni ne yaikota koro hoku koitaknu kuni kara yan:

Titus 2:8

yaikatanu, pakekoshne eaikap nisashnu itak sange yan; tambe anak un epeka shomoki utara, un gusu sange wen itak isam no, yainikoroshma kuni gusu nep ne na.

Hebraios 13:4

Obitta no okai utara tumuta umurek guru nei-hi hemhem, akoatcha shomoki shotki hemhem kooripak yan: inambe gusu ne yakun, Kamui anak ne hoiyo utara newa omoinu koro utara koipishi kusu ne gusu ne na.