I Timoteos 5:10 - Ashiri Aeuitaknup Iyohaichish Yona 1897

¹⁰ nei guru anak ne poho utara reshpa yakun, atchi un utara ayando kore yakun, ashkanne utara chikiri uraye yakun, yairamhekonro utara kaobiuki yakun, shiarikiki no obitta no okai pirika ikip nei no iki yakun, sapaha nuye yan.

I Timoteos 5:10 ပူးပေါင်းရင်းမြစ်များ

Iyohaichish 119:4

Chi utara shiarikiki no shikkashima kuni ne, Aokai anak ne ipawetenge sange wa un kashpaotte nisa ruwe ne.

Mattaios 25:17

Tup akore guru ne yakka oman wa naa tup epirika nisa ruwe ne.

Mattaios 5:16

Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Roukos 7:38

Shinuma chikiri oshmaketa ash, orowa, chish hine koro nupe ani koro kemaha teineika wa koro sapa otop ani piruba heashi, aine, koro kemaha poron no chopchopsekara wa kashiketa shum ota nisa ruwe ne.

Roukos 7:44

Orowa, shiwentep orun hosari hine Simon otta ene itak-hi :— Aokai tan shiwentep nukara ruwe he an? Kuani e kot chisei orun ahun, awa, Ku chikiri furaye kuni wakka e En kore shomoki: koroka, tan shiwentep anak koro nupe ani Ku chikiri teineika wa koro otop ani piruba nisa ruwe ne.

Apostoro ikip oma kambi 10:22

Orowa, nei utara ene itak-hi :— Oupeka wa Kamui koishitoma, samata, Yudea un uirup ebitta orowa no pirika assuru akore ashikne hotne tumi koro utara esapane Kornirios anak ne teshkara wa kot chisei ta e tak wa e otta itak nu kuni ne Kamui ashkanne hauturumbe ani apakashnu nisa ruwe ne,

Apostoro ikip oma kambi 22:12

Orowa, nei kotan ta oshiroma obitta no okai Yudea un utara orowa no akopaweteshu ki, tuitak gusu aainukoro Ananias ari an reihei ani areikore shine ainu anak ne en orota ek,

Apostoro ikip oma kambi 6:3

Tambe gusu, iriwak utara, echi tumugeta okai pirika assuru koro, Ramat newa wayashnu-hi ani aeshik arawa niu numge, aige, tap okaibe esapanere kuni gusu ashte ash kusu ne.

Apostoro ikip oma kambi 9:36

Orowa, Yoppa kotan ta Tabita ari an reihei koro koikara shiwentep an, nei arabe eepakita yakun, Dorkas ne ruwe ne: nei shiwentep anak ne pirika ikip poron no ki, orowa, eungeraitep kore gunʼne.

Apostoro ikip oma kambi 9:39

Aige, Petros hopuni wa tura no arapa. Orowa, ek chiki, nei rikta an tumbu ta tura: awa, obitta no okai shiyompiyara shiwentep anak ne samaketa roshki wa chish, orowa, tura no an ita Dorkas kara aikushte anrip newa chimipi shinuma nukare.

Roma 12:13

ramma ramuosshi pakno inonno-itak; ashkanne utara eishiramne-i gusu koropare; ikateomare ambe ki yan.

Epesos 2:10

kashiaobiuki shomo ki ruwe ne. Chi utara anak ne Shinunra karape ne, pirikap iki gusu Kiristo Yesu otta akan nisa ruwe ne; nei pirika ikip otta apkash kuni ambe Kamui anak ne teeda etoko-oiki nisa ruwe ne na.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

I Timoteos 2:10

(Kamui kooripak sekoro ye shiwente utara kopakeat korachi) pirika ikip ani ki yan.

I Timoteos 3:2

Tambe gusu episkopos anak ne aekot kuni ushike sak, ouse shine mat koro, yairamatte wayashnu keutum koro, irammakaka an, ikateomare ki, epakashnu eashkai, shomo iku-sakayo ki,

I Timoteos 3:7

Naa moshima, soita okai utara anak shinuma gusu pirika paweteshu ambe koro kunip ne; ikineipeka shinuma aesapse wa nitne kamui koro akbe oro-oshma kusu ne na.

I Timoteos 5:16

Eishokoro iki shiyompiyara shiwentep koro shiwentep an chiki, shinuma nei utara kaobiuki yak pirika, aige, son no an shiyompiyara kaobiuki eashkai kuni ne iteki karisia seire yan.

I Timoteos 5:25

Tambe nei no ne yakka anukarape ne pirika ikip okai; orowa, pirika shomo ne ambe anak anuina eaikap ruwe ne.

I Timoteos 6:18

nei utara pirikap iki,

II Timoteos 1:5

orowa, e onnaigeta an kankapkapeka sak eishokor-i a en eshkarunde an; hoshiki no nei ambe anak ne e koro huchi Rois newa e koro habo Euneike oshiketa an; orowa, e onnaigeta ne yakka an sekoro ku eishokon ruwe ne.

II Timoteos 2:21

Tambe gusu, ainu anak ne nei okaibe gusu yaituru-sakte chiki, shinuma anak aeoripakbe kuni gusu an op ne, ashkannep ne, kon Nishpa orowa no aeiwange kuni oupakbe ne, nep pirika ikip gusu aetokooiki kunip ne akara kusu ne na.

II Timoteos 3:15

orowa, Kiristo Yesu oshiketa an eishokor-i ankushkerai kashichiobiuki gusu e wayashnure eashkai Ashkanne kambi ponram orowa no e eraman ruwe ne na.

II Timoteos 3:17

Kamui koro ainu anak ne aeramushinne no an wa nep pirika ikip gusu irammakaka etokooiki an kuni gusu ne na.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Titus 2:7

nep ne yakka gusu eani anak ne pirika ikip epeka yaikota y aekoikarabe ne yai kara yan; epakashi gusu oheuge sak,

Titus 3:1

Nei utara anak ne esapane utara newa mondum koro utara kotpoketa yairapokekara wa koitaknu kuni ye yan, samata, nep pirika ikip gusu ne yakka yaietokooikire,

Titus 3:14

Koro kuni eishiramne ambe chikoro utara ne yakka uina kuni ne pirika moni iki ambe eyaihannokara kara yak pirika, iteki ibehe sak kuni gusu ne na.

Titus 3:8

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

Hebraios 10:24

orowa utashpa pirika ikip kire hemhem ki, omap hemhem kire kuni gusu uwe-esanniyo yanro;

Hebraios 13:2

Oya utara koomap kuni ambe iteki oira yan: inambe gusu ne yakun, an utara anak ne eramushkare no Kamui hauturumbe reushire nisa ruwe ne.

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 4:9

kamure ruwe ne gusu ne na: oromam shomoki no

III Yoannes 1:12

Demetrius anak ne obitta no okai utara ki paweteshu ambe koro, samata, sonep yaikota gusu an paweteshu-hi kon ruwe ne; ruwe ne wa, chi utara ne yakka paweteshu ki; aige, chi ki paweteshu ambe anak ne sonep ne sekoro aokai eraman ruwe ne na.