I Timoteos 4:8 - Ashiri Aeuitaknup Iyohaichish Yona 1897

⁸ Orowa, Kamui kooripakbe ani yaikota yairiterite yan: inambe gusu ne yakun, netobake gusu an yairiterite ambe anak ne pon no ka epirikare kunip ne, koroka, Kamui kooripak ambe anak ne nep ne yakka gusu epirikare kunip ne, aige, tane an inotu gusu ne yakka, okaketa an inotu gusu ne yakka eitakamkire aeoma an ambe ne ruwe ne gusu ne na.

I Timoteos 4:8 ပူးပေါင်းရင်းမြစ်များ

Iyohaichish 145:19

Shinuma anak ne koishitoma utara kon rusuibe eramushinnere kusu ne; Shinuma nei utara ashte hawe nu wa kashiobiuki kusu ne na.

Iyohaichish 37:11

Koroka, ramu-rotcha utara anak ne toitoi eikeshkoro kusu ne; Orowa, nuye an no an itomo gusu yainuchattek kusu ne.

Iyohaichish 37:29

Oupeka utara anak ne toitoi eikeshkoro wa, Ramma pakno oshiroma kusu ne na.

Iyohaichish 37:9

Inambe gusu ne yakun, wenbe ikichi utara anak ne aotuyeba kusu ne: Koroka, Ehoba orun ingara utara anak ne, nei utara anak toitoi eikeshkoro kusu ne.

Iyohaichish 84:11

Inambe gusu ne yakun, Ehoba ne Kamui anak ne chup ne, kikhumbe ne ruwe ne: Ehoba anak ne irenga newa nupeki koropare kusu ne: Oupeka no apkash utara gusu nep pirikap ne yakka koropare kusu ne ruwe ne.

Mattaios 12:32

Orowa, nen ne yakka Ainu Poho epeka sempiroitak ki guru an yakka atusare kusu ne, koro-ka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.

Mattaios 19:29

Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.

Mattaios 6:33

Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.

Markos 10:30

toi hene are wa, tane an pakihi ta ashikne hotne pakno shomo akore guru isam ruwe ne; chisei hemhem, okkai ainu uiriwak hemhem, matne ainu uiriwak hemhem, unu hemhem, po utara hemhem, toi hemhem, aepokbap tura no koro; orowa, ek kushki moshiri ta hembara pakno ne yakka shiokere shomoki inotu kon ruwe ne kusu ne na.

Roukos 5:38

Koroka, ashiri tonoto ashiri kapu-pukuru otta aomare kusu ne ap ruwe ne.

Roma 8:28

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

I Korintos 3:22

Pauros hene, Aporros hene, Kepas hene, moshiri hene, inotu hene, rai ambe hene, tane an okaibe hene, ek kushki okaibe hene, obitta no okaibe echi korobe ne;

I Korintos 8:8

Koroka, kam gusu chi utara anak ne Kamui tek-samata shomo roshki ash: shui, shomo ibe yakka aewende shomoki: shui, ibe yakka aepirikare shomoki ruwe ne na.

I Timoteos 4:7

koroka, momok uwepekere newa bakko ramkoro an uwepekere eshishi yan.

I Timoteos 6:3

Moshima okai epakashi epakashnu hine, nisashnu itak, chikoro Utarapa ne Yesu Kiristo koro itak otta hemhem Kamui kooripak korachi an epakashi otta hemhem ramuoshma shomoki guru an chiki:

I Timoteos 6:5

sonep sak wa oheuge upahunara hemhem patek iki guru ne ruwe ne.

I Timoteos 6:6

Koroka, Kamui kooripak wa yaiyainuwere ambe anak ne poro aepirikarep ne:

II Timoteos 3:5

koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

Titus 3:8

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

Hebraios 13:9

Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

Ekambakbe 3:12

Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.