I Timoteos 4:4 - Ashiri Aeuitaknup Iyohaichish Yona 1897

⁴ Kamui karape obitta pirika ruwe ne, aige, iyaiiraige an keutura ani auina yakun,

I Timoteos 4:4 ပူးပေါင်းရင်းမြစ်များ

Apostoro ikip oma kambi 10:15

Orowa, kanna-shui shinuma orota hawe anu-hi :— Kamui turu-saktep iteki use okaibe ne sekoro esanniyo yan, ari itak.

Apostoro ikip oma kambi 15:29

nei arabe anak, potoki otta ayangep hemhem, kem hemhem, rekuchi anumbap hemhem, hoiyop hemhem shomo ekottanu ambe ne; tap okaibe gusu echi yaikota ekottanu shomoki chiki, echi gusu pirika ruwe ne. Ratchitara no okai yan.

Apostoro ikip oma kambi 21:25

Koroka, eishokoro Oya utara gusu chi nuye okere; nei utara anak ne potoki otta ayangep gusu hemhem, kem gusu hemhem, rekuchi anumbap gusu hemhem, hoiyop gusu hemhem yaishikkashima kunip ne aesanniyo ruwe ne, ari itak.

Roma 14:14

Yaikota gusu nep ne yakka turu-ush shomo ne sekoro Utarapa ne Yesu ankushkerai ku eraman wa ku esanniyo ruwe ne: ouse nepka turu-ushbe ne sekoro nenka esanniyo chiki, shinuma gusu turu-ushbe ne ruwe ne.

Roma 14:20

Aep gusu iteki Kamui karape isamka yan. Nep okaibe ne yakka sone turu-sakbe ne; yakka, epetchiure no ibe guru gusu wen ruwe ne na.

Roma 14:6

Nei toho esanniyo gurʼanak ne Utarapa gusu esanniyo ruwe ne: orowa, ibe gurʼanak ne Utarapa gusu ibe, Kamui koyaiiraige ruwe ne gusu ne na: shui, shomo ibe gurʼanak ne Utarapa gusu shomo ibe, aige, Kamui koyaiiraige ruwe ne na.

I Korintos 10:23

Nep ne yakka an okaibe ikashpaotte kopakeat a yakka, obitta no okaibe auina gusu pirika shomo ne. Nep ne yakka an okaibe ikashpaotte kopakeat a koroka, obitta utara roshkire shomo ki ruwe ne.

I Korintos 10:25

koroka, aota an guru esanniyo yan. Nep ne yakka kam eiyok ushita eiyokbe ibe yan, aine, koro keutum gusu iteki nei ambe gusu uwepekennu;

I Korintos 10:26

inambe gusu ne yakun, toitoi newa otta okai aeshikbe obitta Utarapa korope ne.

I Korintos 10:30

Kuani anak ne irenga ku goro gusu ibe chiki, gusu ku yaiiraige ki ambe ankushtapne hemanda gusu a en ohaigekara an ruwe he an?

I Timoteos 4:3

nei utara matakore ambe hattoki hemhem ki, sonep eishokoro wa eraman utara iyaiiraige koro auina kuni Kamui kara aep gusu shomo ramnu ki ambe kashpaotte hemhem ki ruwe ne.