I Timoteos 4:16 - Ashiri Aeuitaknup Iyohaichish Yona 1897

¹⁶ Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

I Timoteos 4:16 ပူးပေါင်းရင်းမြစ်များ

Markos 13:9

Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.

Roukos 21:34

Koroka, echi keutura anak ne ibeshikasure ambe ani hene, ihoshki ambe ani hene, shiknu gusu an okaibe enishomap ambe ani hene shomo aeshik kashpa wa iteki akbe korachi ekushkonna echi orun nei toho ek kuni ne yaitubare yan:

Apostoro ikip oma kambi 26:22

Tambe gusu, Kamui orowa no an kaobiuki ankushkerai tanto pakno ku an wa pon utara otta ne yakka rupne utara otta ne yakka paweteshu ku ki ruwe ne, koroka, uweingara utara newa Mose ye ek kusu ne okaibe moshima shomo ku itak ruwe ne na;

Apostoro ikip oma kambi 6:4

Koroka, chi utara anak ne shine-ikinne ramma-kane inonno-itak hemhem ki, itak otta yaishieiwangere hemhem ki kusu ne na, ari itak.

Roma 11:14

nei uni poka, nekon a ka kam gusu ku iri utara aeyaitunnapte hine sereke utara kashiobiuki kuni gusu ne na.

Roma 16:17

Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 9:22

Katchak utara ku epirika gusu katchakbe nepkoro ku ne: nekon a ka arage an utara ku kaobiukire kuni gusu, inan guru gusu ne yakka nep ne yakka korachi ku yaikan nisa.

I Korintos 9:27

ikineipeka moshima utara otta eupaskuma ku ki orowa no shomo kuani yaikota aemakap ne kuni gusu ne na.

Epesos 4:14

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

Korosai 4:17

Orowa, Arkippos orun ene itak yan:— Utarapa orowa no akore an otta e iki kuni yaishieiwangere ambe aomare kuni ne yaitubare yan.

I Tessaronike 2:16

aige, Oya un utara kashichiobiuki kuni ne chi itak katu hattoki ruwe ne; aine, ramma-kane koro chikokatpak epa shiriki; koroka, okese pakno nei utara kashita irushka arabe ek an ruwe ne na.

I Timoteos 1:3

Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

I Timoteos 4:15

Tap an okaibe gusu muchinashnu no iki yan; nei ambe orun ramne no yaikoropare yan; e ki ikip obitta no okai utara otta anukara kuni gusu ne na.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

II Timoteos 3:14

yaikota akokandama aiki kusu ne na. Koroka, eani anak eyaihannokkara okere okaibe, sonep ne sekoro e eraman okaibe shikkashima yan, aige, inan guru otta eani nei okaibe eyaihannokkara ya eraman no okai yan;

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Titus 1:9

anak ne nei nisashnu an epakashi gusu onishnishi eashkai hemhem ki, eutastasa utara oitaksakka eashkai hemhem ki kuni ne, nei epakashi kopakeat no an sone an itak shikkashima kuni guru ne ruwe ne na.

Titus 2:15

Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Titus 2:7

nep ne yakka gusu eani anak ne pirika ikip epeka yaikota y aekoikarabe ne yai kara yan; epakashi gusu oheuge sak,

Pirimon 1:19

en kore yan; Pauros ku ne anak ne yaikota ku goro teke ani ku nuye ruwe ne, nei ambe ku sange kusu ne na: aige, aokai yaikota anak ne nei a moshima yaikota en orun sange kunip ne sekoro shomo ku ye kuni gusu ne na.

Hebraios 12:15

nen ka Kamui irenga gusu eyaikoemaka guru an ya shomo ya irammakaka ingara yan; ikineipeka shiu shinrit ika hetuku wa echi keutum-chiukopoyere hene ki, ani inne utara turu-ushte hene ki na;

Hebraios 13:9

Usa okai newa oya an epakashi gusu iteki aeyaiutumashire yan: inambe gusu ne yakun, irenga gusu keutum aeumashnure ambe pirika ruwe ne; otta apkash utara anak ne shomo eyaiepirikare aep gusu shomo ne na.

Yakob 5:20

koro ohaita katpak eyaikokatpakte guru anak ne rai-i orowa no ramat ohaita re kusu ne, samata, inne no okai katpak kamure kusu ne na.