I Timoteos 4:10 - Ashiri Aeuitaknup Iyohaichish Yona 1897

¹⁰ Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

I Timoteos 4:10 ပူးပေါင်းရင်းမြစ်များ

Iyohaichish 107:2

Epokba utara koro teke wano kikiraye hemhem ki; Moshiripa wano moshirigesh wano, Pikata wano Arutoro wano,

Iyohaichish 118:8

Ainu eishokoro kasu no Ehoba eyaikopashte-hi anak ne pirika ruwe ne

Iyohaichish 36:6

E koro oupeka-i anak ne Kamui nupuri nepkoro ne; E ki esanniyo-hi anak ne shiri ooho ambe ne; Aa Ehoba, Aokai anak ne ainu hene chikoikip hene kashiobiuki ruwe ne.

Iyohaichish 37:40

Orowa, Ehoba anak ne nei utara ikashiu wa kashiobiuki ruwe ne: Wen utara orowa no ohaitare wa kashiobiuki, Shinuma gusu nei utara eyaikopashte nisa ruwe ne gusu ne na.

Iyohaichish 52:8

Koroka, Kuani gusu — Kamui kora kenru ta an fukinani kanran chikuni ku koheraye ruwe ne: Ramma pakno Kamui rampoken ku eyaikopashte ruwe ne.

Iyohaichish 84:12

Aa topaha koro Ehoba, E otta eyaikopashte gurʼanak ne anunuke ne ruwe ne.

Mattaios 16:16

Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Mattaios 27:43

Kamui irenga Shinuma eyaikopashte, awa, Kamui anak ne Shinuma kon rusui chiki, tane kashiobiuki yak pirika: Kamui poho Ku ne ani ani itak ani ye nisa ruwe ne gusu ne na, sekoro nei utara ye nisa ruwe ne.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Yoannes 4:42

aige, nei shiwentep otta ene hawe okai-hi :— Tane anak ne e ye itak gusu chi eishokoro shomoki: chi utara yaikota chi nu wa son no newa tambe anak ne moshiri kashiobiuki kunip ne sekoro chi eramʼan ruwe ne gusu ne na, ani itak.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

I Korintos 15:10

Koroka, Kamui irenga gusu kuani ku an korachi okaibe ku ne ruwe ne; orowa, a en koropare Shinuma koro irenga anak ne seenne raka isam no a en koropare ruwe ne sekoro anukara; koroka, obitta no okai nei utara kasu no kuani naa poron no ku monraige nisa ruwe ne na: yakka, kuani shomo ne, koroka, a en koropare Kamui irenga iki ruwe ne.

II Korintos 1:10

Shinuma anak ne ene poro rai ambe orowa no un ohaitare nisa, shui ohaitare kusu ne na: Shinuma naa un kaobiuki kuni ne, gusu chi utara echipachipa shiriki okai ash;

I Timoteos 2:3

Nei no ikichi ambe anak ne un kashiobiukip ne Kamui tek-samata pirika newa nupetnere ambe ne;

I Timoteos 2:4

obitta no okai utara kashiaobiuki wa sonep eraman kuni ambe anak ne Shinuma koro keutum ne ruwe ne.

I Timoteos 2:6

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

I Timoteos 3:15

koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Hebraios 13:13

Tambe gusu chi utara ne yakka Shinuma gusu an aesapse ambe sei wa kash-tai soigeta an Shinuma orun paye anro.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Yoannes 2:2

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

I Yoannes 4:14

Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.