I Timoteos 3:3 - Ashiri Aeuitaknup Iyohaichish Yona 1897

³ ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

I Timoteos 3:3 ပူးပေါင်းရင်းမြစ်များ

Mattaios 21:13

aige, utara otta ene itak-hi :— Ku kora kenru anak ne inonno-itak kuni chisei ani aye kusu ne, sekorʼan itak anuye wa an, koroka, echi utara anak ne nei kenru ani ikka guru chisei ne kan nisa ruwe ne, sekoro itak.

Apostoro ikip oma kambi 20:33

Inan guru ne yakka koro shirokani hene, kongani hene, chimipi hene shomo ku eyaikoshipuinere ruwe ne.

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

Epesos 5:18

Samata, otta esanasapte an tonoto gusu iteki ihoshki yan, koroka, Ramat ani aeshik no okai yan; orowa,

I Tessaronike 5:14

Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.

I Timoteos 3:8

Diakonos utara ne yakka yaikatanu kunip ne, iteki tu parumbe koro, iku rui shomoki, aetunne kuni ani yaiepirikare ambe kon rusui shomoki;

II Timoteos 3:2

Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

Titus 1:11

aige, nei utara koro paro aseshke kunip ne; nei utara anak ne ramne an chisei hokushte utara ne wa aetunne kuni ani eyaiepirikare ambe gusu shomo epakashnu kunip epakashnu ruwe ne.

Titus 1:7

Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;

Titus 2:3

yaiyupupu no okai kuni kara yan: orowa, huchi utara ne yakka oripak an katu koro, ohaigekara shomoki, tonoto gusu yaiusshiunere shomoki, pirika orushpe epakashnu kuni kara yan;

Titus 3:2

iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

Hebraios 13:5

Ichen shomo koomap no okai; yaikorobe gusu yaiyainuwere yan: inambe gusu ne yakun, Shinuma yaikota ene itak-hi :— Kuani anak ne son no moshima no e ande shomoki, e emaka shomoki kusu ne. Tarahe gusu,

Yakob 4:1

Echi tumugeta okai iki tumi newa ukoiki ambe anak ne hunak wa hetuku ya? Echi koro awehe ta iki eikaunu an keutum gusu shomo hetuku ya?

I Petros 5:2

echi tumugeta okai ekashi utara onishnishi ash na: Echi tumugeta okai Kamui koro topaha reshpa yan, nekon a ka akire wa an gusu shomo ne wa, koroka, Kamui an gusu eyaitupa keutum koro wa esapane yan; samata, aetunne kuni yaiepirikare ambe gusu shomo ne no, etoko-oiki wa an keutum koro wa ki yan;

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Youdas 1:11

Nei utara yaisambepokash humi! Kain koro michi kari apkash, pummaha gusu Baraam koro ohaitap gusu vaiemaka, Kora Ainu ki tasa itak gusu aisamka nisa ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.