I Timoteos 3:15 - Ashiri Aeuitaknup Iyohaichish Yona 1897

¹⁵ koroka, ohon no uturuta shomo ku ek yakun, Kamui kora kenru ta ainu utara anak ne nekon a iki yak pirika ya e eraman kuni gusu ne na, nei ambe anak ne ishu Kamui koro karisia ne, sonep gusu an ikushpe newa asamaha ne ruwe ne.

I Timoteos 3:15 ပူးပေါင်းရင်းမြစ်များ

Iyohaichish 42:2

Ku ramat anak ne Kamui gusu, ishu Kamui gusu, eyaikatekara shiri ki: Hembara kuani ek wa Kamui kotchaketa anukara ya?

Iyohaichish 84:2

Ku ramat anak ne Ehoba koro kash gusu eyaikatekara, ruwe newa, ramurai ruwe ne; Ku sambe newa ku kam anak ne ishu Kamui gusu ehaukashu ruwe ne.

Mattaios 16:16

Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Mattaios 18:18

Son no echi otta Ku ye, nep ne yakka kanna moshiri ta echi tupetupep anak ne kando otta ne yakka atupetupe kusu ne; orowa, nep ne yakka kanna moshiri ta echi pitap anak ne kando otta ne yakka apita kusu ne.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 18:37

Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 6:69

Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak.

Apostoro ikip oma kambi 1:2

Shinuma arikinde toho pakno kara hemhem ki epakashnu hemhem ki heashire obitta no okaibe gusu ku nuye nisa ruwe ne:

Apostoro ikip oma kambi 14:15

Nishpa utara, hemanda gusu tap ambe echi ki ya? Chi utara ne yakka echi utara korachi shinep ne an oibe koro utara chi ne, aine, pirika orushpe echi nure kuni utara chi ne, echi utara tap okai raka isambe oyakta ande wa kando newa toitoi newa atui newa otta okaibe obitta kara ishu Kamui orun echi hosarire kuni ki utara chi ne:

Roma 3:2

Nekon a ka porop ne: hoshiki no nei utara Kamui shongo ashikkashimare nisa ruwe ne.

Roma 9:26

Orowa, otta Echi utara anak ne ku goro uirup shomo ne ari an itak ani aye ushiketa okai utara anak ne, Nei ushiketa okai utara anak ishu Kamui koro poho utara ani areikore kusu ne na.

I Korintos 10:32

nupeki gusu ikichi yan. Yudea un utara gusu ne yakka Herenes un utara gusu ne yakka Kamui koro karisia gusu ne yakka iteki ureepetchiure ambe ande yan:

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

II Korintos 3:3

chikoro kambi echi ne ruwe ne; echi utara anak ne Kiristo koro kambi ne sekoro anukarabe ne, un orowa no aeiyaishieiwangere utara echi ne, sumi ani anuye ambe shomo ne, koroka, ishu Kamui kon ramat ani anuye utara echi ne; shuma ita kata shomo ne, koroka, kam oma ita kata chieshinnuyep ne ruwe ne.

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

II Korintos 6:7

shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne:

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Epesos 4:21

echi utara Yesu oshike un son no ambe an korachi Shinuma otta ko-nu wa Shinuma otta aepakashnure an nisa ruwe ne:

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

I Tessaronike 1:9

Inambe gusu ne yakun, nei utara yaikota ye wa nekon a chi ki hine echi tumugeta ahup ash ya un gusu assuru ashte ruwe ne: samata, ishu newa son no an Kamui gusu yaishieiwangere hemhem ki, kando orowa no ek Shinuma koro Poho untere hemhem ki kuni ne potoki echi emakba wa Kamui orun hosari an ambe ye nisa ruwe ne;

I Timoteos 3:14

Naa pon no okaketa e orun ku oman kuni ku chipachipa wa tapan okaibe ku nuye ruwe ne;

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

I Timoteos 3:2

Tambe gusu episkopos anak ne aekot kuni ushike sak, ouse shine mat koro, yairamatte wayashnu keutum koro, irammakaka an, ikateomare ki, epakashnu eashkai, shomo iku-sakayo ki,

I Timoteos 3:5

(koroka, ainu anak ne nekon a yaikota koro uni epungine ambe erampeutek chiki, hemanda iki wa Kamui karisia shikkashima eashkai ruwe he an? tanebo baptisma akore guru shomo ne,)

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

I Timoteos 6:16

Shinuma patek shomo rai-ambe koro hine otta karange no arapa eaikap shiripekere ta oshiroma ruwe ne; inan guru ne yakka naa shomo Shinuma nukara, samata, Shinuma nukara eaikap ruwe ne; Shinuma orun otusashuishiri wano otusashuishiri pakno an aainukorobe newa kiroro an na. Amen.

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

II Timoteos 2:20

Koro chisei onnaigeta ouse kongani op newa shirokani op patek okai shomo ne, koroka, chikuni op newa toitoi op ne yakka okai; samata, momokbe gusu aeiwange kunip okai, aeoripakbe gusu aeiwange kuni ambe okai ruwe ne.

Hebraios 10:21

samata, Kamui kora kenru esapane pase Kamui otta yaishieiwangere guru an gusu,

Hebraios 12:22

nei anukarape ashitoma ruwe ne: koroka, echi utara anak ne Sion nupuri otta, ishu Kamui koro machiya otta, kando un Yerusarem otta araki wa okai, orowa, inne topaha otta, Kamui hauturumbe uwekari otta,

Hebraios 3:12

Iriwak utara, ikineipeka nenka echi tumugeta an guru anak eishokor-i sak wen keutum koro bine ika ishu Kamui wano eyaishishire kuni ne yaitubare yan: koroka,

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

I Petros 4:17

Inambe gusu ne yakun, Kamui kora kenru ta akoipishi heashi kuni pakihi anak ne an; aige, hoshiki no un gusu aheashire chiki, Kamui pirika shongo koitak-nu shomoki utara okesehe anak ne nekon a ambe ne kusu ne ya?

Ekambakbe 7:2

Orowa, ishu Kamui koro han shirosh koro wa ochuka un hetuku naa shine hauturumbe ku nukara: