I Timoteos 3:13 - Ashiri Aeuitaknup Iyohaichish Yona 1897

¹³ Inambe gusu ne yakun, diakonos ki kuni moni epeka pirika no yashieiwangere okere utara anak ne yaikota gusu pirika assuru koro, samata, Kiristo Yesu otta an eishokor-i gusu shi no rametok kon no an kusu ne ruwe ne gusu ne na.

I Timoteos 3:13 ပူးပေါင်းရင်းမြစ်များ

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Mattaios 25:21

Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Roukos 19:17

Orota, shinuma ene itak-hi :— pirika, iki pirika usshiune guru e ne ruwe ne! shiri ponbe gusu eani ikipniutesh ari anukara gusu, wan machiya esapane yan.

Apostoro ikip oma kambi 21:35

Orowa, shinuma nei shuma-nikara kata ek chiki, inne utara niwen wa gusu tumi-koro utara aeani nisa; inambe gusu ne yakun,

Apostoro ikip oma kambi 6:15

Orowa, nei ukoramkoro ushi rok wa okai utara obitta shinuma orun oshikkurukote, aige, nanuhu nukara chiki Kamui hauturumbe nei no an nanuhu nepkoro anukan na.

Apostoro ikip oma kambi 6:5

Awa, tan itak anak ne obitta no okai inne utara nupetnere; aige, nei utara eishokor-i newa Ashkanne Ramat ani aeshik Stepanos hemhem numge, shui, Piripos hemhem, Prokoros hemhem, Nikanor hemhem, Timon hemhem, Parmenas hemhem, Antiok kotan wano an koikara guru ne Nikoras hemhem numge nisa:

Apostoro ikip oma kambi 6:8

Orowa Stepanos anak ne irenga newa kiroro ani aeshik no an wa, utara tumugeta poro aeiyokunnure ambe newa shirosh iki nisa ruwe ne.

I Korintos 16:15

Iriwak utara, (Stepanas chisei un utara anak ne Akaya moshiri un aro-ibehe ne, orosama, nei utara anak ne ashkanne utara gusu yaishieiwangere kuni gusu yaiatte nisa ruwe ne sekorʼambe echi eraman,)

Piripoi 1:14

shui, Utarapa gusu an iriwak utara poro sereke anak ne ku goro tupep gusu rametokkoro wa naa kiroro yupu hine ishitoma shomoki no Kamui itak ye ruwe ne.

I Tessaronike 2:2

echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

I Timoteos 3:14

Naa pon no okaketa e orun ku oman kuni ku chipachipa wa tapan okaibe ku nuye ruwe ne;

II Timoteos 2:1

Tambe gusu ku poho ne aokai, Kiristo Yesu oshiketa an irenga otta yaitumashnure yan.

Hebraios 6:10

Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.