I Timoteos 2:8 - Ashiri Aeuitaknup Iyohaichish Yona 1897

⁸ Tambe gusu nei ita ne yakka okai utara anak ne kimakara newa utumashi keutum isam no turu-sak tekehe puni hine inonno-itak ki kuni ku kon rusui ruwe ne.

I Timoteos 2:8 ပူးပေါင်းရင်းမြစ်များ

Iyohaichish 134:2

Ashkanne ushiketa tekehe riknare wa, Ehoba ramye yan.

Iyohaichish 141:2

Senko korachi E kotchaketa ku ki inonno-itak yan kuni kara wa en kore; Ku teke ku rikipuni ambe anak ne onuman ayange kunip nei no uk wa en kore.

Iyohaichish 24:4

Turusak tekehe newa ashkanne sambe koro; Keutum ta ohap ramepakari shomoki, Shunge uitaknup shomo ki guru ne ruwe ne.

Iyohaichish 26:6

Turu sakbe ani ku tekehe ku furaye kusu ne; Ene ku an wa, aa Ehoba, E koro yange set orun ku oman kusu ne na:

Iyohaichish 28:2

Hawe ku ashte ita, E koro ashkanne ushike orun teke ku puni ita, Ku koramkoro itak hawe nu wa en kore.

Iyohaichish 35:13

Koroka, kuani anak nei utara tashum ki ita aeshiyuk amip ku yaimire nisa. Shomo ramnu ki wa ku kon ramat ku shirikirapte nisa; Orowa, ku ki inonno-itak anak ku upshorota ahoshipire kusu ne na.

Iyohaichish 63:4

Ku shiknu rapoketa ku iramye ash na: E reihei gusu tekehe ku yange kusu ne.

Iyohaichish 66:18

Ku keutum ta irarape ku yainu chiki, Utarapa shomo nu kusu ne:

Mattaios 21:21

Orowa, Yesu ese wa nei utara otta ene itak-hi :— Son no echi otta Ku ye, echi utara anak ne utumashi shomoki no eisho-toro yakun tan ichijiku chikuni otta aki korachi echi ki kusu ne ambe patek shomo ne, koroka, tan nupuri otta poka — Eani auk wa atui oshiketa aosura wa okai yan — ani echi ye chiki, aki kusu ne.

Mattaios 5:44

koroka, echi otta Ku ye, echi epokba utara omap yan, echi keshke utara rengap gusu inonno itak ki yan;

Mattaios 6:12

Chi utara; anak ne chikoro ashosere utara tusare okere korachi, chikoro shosep ne yakka tusare wa un kore.

Roukos 23:34

Orowa, Yesu ene itak-hi :— Ku Michihi, nei utara honnere wa En kore; hemanda ki shiri eramushkare wa okai ruwe ne gusu ne na, sekoro itak. Orowa, utashpa Shinuma koro mipihi eimek wa ukokonchi etaye nisa ruwe ne.

Roukos 24:50

Orowa, Betania kotan pakno Shinuma nei utara tura wa oman: aige, koro tekehe epuni wa nunuke

Yoannes 4:21

Orota Yesu ene itak-hi :— Shiwentep, En eishokoro yan, echi utara anak ne tan nupuri ta hene, Yerusarem kotan ta hene Michi shomo ko-ongami pakihi ek kusu ne.

Apostoro ikip oma kambi 10:2

koro uni un utara ebitta tura Kamui koishitoma guru ne, orowa, poron no okai eungeraitep utara otta kore, samata, ramma Kamui ko-inonno-itak ki ruwe ne.

Apostoro ikip oma kambi 10:31

orowa, Kamui kotchaketa e kore eungeraitep anak ne aeshkarun wa an.

Apostoro ikip oma kambi 10:4

Orowa, shinuma orun nukara chiki ishitoma wa ene itak-hi :— Utarapa, nep ta? Orota, — E ki inonno-itak newa eungeraitep anak ne Kamui eshkarun ruwe ne.

Apostoro ikip oma kambi 21:5

Orowa, nei toho auweomare chiki, chi hopumba ash wa payekai nisa; aige, nei utara obitta, koro machi newa poho utara tura, nei machiya soyumba wa akohoppa pakno un rura: awa, atui-sam kata kokkaerok hine inonno-itak ash,

Apostoro ikip oma kambi 7:60

Awa, shinuma kokkaea hine poro hawe ani hawe ashte wa, Utarapa, tan katpak iteki nei utara kashiomare wa en kore, ani ye. Orowa, tap okaibe ye okere chiki shinuma mokonʼnisa ruwe ne.

I Korintos 1:2

Kiristo Yesu otta aashkannere, ashkanne utara ne kuni gusu anishuk, inan ita ne yakka nei utara newa chikoro Utarapa ne Yesu Kiristo konishuk utara orun:

I Korintos 7:7

Inambe gusu ne yakun, obitta no okai ainu utara en korachi poka an kuni ku kon rusui. Yakka, ainu pishno Kamui orowa no an aikrap koro, Shinen nei no an ambe koro Shinen tapne an amire kon ruwe ne.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

Piripoi 1:12

Tambe, iriwak utara, echi onnere kuni ku kon rusui, en gusu hetuku orushpe anak ne makangane pirika shongo assuru ashte gusu an ap ne;

I Tessaronike 1:8

Inambe gusu ne yakun, Utarapa koro itak echi orowa no assuru-aashte okere, ouse Makedonia newa Akaya otta patek shomo ne, koroka, inan ushiketa ne yakka Kamui epeka no an echi koro eishokor-i anak ne assuru an na; tambe gusu nepka chi ye shomoki yakka aeraman ruwe ne.

I Timoteos 5:14

Tambe gusu, upen shiwentep utara anak ne hoku koro wa poho shikore, orowa, epokba guru oitakushi gusu an ika shomo kore hine koro uni shikkashima kuni ku kon rusui ruwe ne;

Titus 3:8

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.