I Timoteos 2:5 - Ashiri Aeuitaknup Iyohaichish Yona 1897

⁵ Inambe gusu ne yakun, shine Kamui an, Kamui newa ainu uturu shine iyuturuoma guru an, ainu ne,

I Timoteos 2:5 ပူးပေါင်းရင်းမြစ်များ

Mattaios 1:1

Abraham poho ne Dabid koro poho Yesu Kiristo ekashi shinrit ikiri anuye kambi.

Mattaios 1:23

Immanueru sekoro an itak ibehe anak ne, Kamui un tura no an ruwe ne ani an itak ibehe ne ruwe ne.

Roukos 14:22

Orowa no, uitek guru ene itak-hi :— E ikashpaotte korachi aki na, yakka ushike an ruwe ne, ani itak.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Roma 1:3

nei Poho kam gusu Dabid sanikire ne akara, rai-i orowa no hetopo-a-shiknure-hi gusu,

Roma 10:12

Yudea un guru newa Herenes un guru gusu uwechutko no an ambe isama: inambe gusu ne yakun, nei ukorachi an ambe anak ne obitta no okai utara gusu shine Utarapa ne, aige, otta ko-nishuk guru gusu oteknu ruwe ne gusu ne na:

I Korintos 8:4

Tambe gusu, potoki otta ayangep ibe ambe gusu, potoki anak ne moshirʼotta nep ne ka aramu shomoki kuni ambe ne, orowa, Shine Kamui moshima Kamui isama ari chi eraman ruwe ne.

I Korintos 8:6

Kamui inne Utarapa inne ne korachi; yakka, chi utara gusu anak, Shine Kamui an, Shinuma Michi ne, Shinuma gusu obitta no okaibe okai, orowa chi utara anak ne Shinuma oshiketa okai ruwe ne; samata, Shine Utarapa an, Yesu Kiristo ne ruwe ne, Shinuma ankushkerai nep ne yakka okai, orowa chi utara anak ne Shinuma ankushkerai okai ruwe ne.

Garatea 3:20

Iyuturu oma guru anak ne shinep gusu an ambe shomo ne; koroka, Kamui anak shine Kamui ne ruwe ne.

Epesos 4:6

Shinuma anak ne obitta no okai utara kashiketa an, obitta no okai utara gusu an, obitta no okai utara otta an ruwe ne.

I Timoteos 6:13

Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

Hebraios 12:24

shui, ashiri aeuitaknup gusu an iyuturu oma Yesu otta, gusu Aberu korobe kasu no pirika okaibe ye achari kem otta echi araki wa okai ruwe ne.

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

Hebraios 8:6

Koroka, tane Shinuma anak ne gusu naa eitasa pirika yaishieiwangere kuni ambe akore Shinuma naa pirika aeitakamkire ambe gusu aki eitasa pirika euitaknup gusu an iyuturu oma guru poka pakno ne ruwe ne na.

Hebraios 9:15

Orowa, tambe gusu, Shinuma anak ne ashiri aeuitaknup gusu an eikotchane guru ne ruwe ne; atpake an aeuitaknup an ita hetuku katpak kikiraye kuni rai ambe an gusu, anishuk wa okai utara shashuishiri pakno an eitakamkirep eikeshkore kuni gusu ne na.

I Yoannes 2:1

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

Ekambakbe 1:13

orowa, nei ratchako tumugeta ainu poho nepkoro an guru ku nukara, Shinuma amip iyo keshupkachuire an, orowa, kongani kut ani yarupokkepeka ekutkon ruwe ne.