I Timoteos 1:9 - Ashiri Aeuitaknup Iyohaichish Yona 1897

⁹ tambe ka chi eraman, tuitak anak ne oupeka utara gusu akarape shomo ne, koroka, ihaita keutura koro utara newa itakkashi utara gusu Kamui kooripak shomoki utara newa chikokatpak utara gusu, turu-ush utara newa momok utara gusu, michihi raige utara newa unuhu raige utara gusu, keweuk utara gusu,

I Timoteos 1:9 ပူးပေါင်းရင်းမြစ်များ

Mattaios 10:21

Orowa, iriwak anak ne iriwakihi araigere gusu ekoshi, michihi anak ne koro poho sange kusu ne: samata, po utara anak ne koro ona koro unu koiyonnuppa wa raigere kusu ne.

Roma 1:30

kokandama newa wen-katcham ani shikno wa okai;

Roma 4:13

Inambe gusu ne yakun, Abraham moshiri eikeshkoro kuni ari an eitakamkire ambe anak, Abraham otta hene, koro sanikehe otta hene tuitak an gusu aki shomo ne, koroka, eishokor-i gusu an oupeka ambe an gusu aki ruwe ne na.

Roma 5:20

Orowa, ohaitap shipiraspa gusu tuitak anak ne ahun nisa ruwe ne; koroka, katpak shipiraspa ushiketa, irenga anak ne naa nuye an no shipiraspa nisa ruwe ne:

Roma 6:14

Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

Garatea 3:19

Yakun, tuitak anak ne nekon a ambe ne ya? Gusu nei eitakamkire aki sanike ek pakno, ouhaita ambe an gusu kashiiyop ne ruwe ne; iyuturu oma guru ani Kamui hauturun guru orowa no aande nisa ruwe ne na.

Garatea 5:18

Koroka, echi utara anak ne Ramat ari aani yakun, tuitak choropoketa echi okai shomoki ruwe ne.

Garatea 5:21

iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.

Garatea 5:23

ramushiroma ambe hene, yaishikkashima ambe hene ne ruwe ne: nei okaibe epokba tuitak isam ruwe ne.

II Tessaronike 2:8

Orowa, okake an koro, Utarapa ne Yesu anak koro paro oma heisepa ani raige wa iki koro ek wa an arabe ani isamka nei ikashpaotte otereke guru anukare kusu ne na;

I Timoteos 4:7

koroka, momok uwepekere newa bakko ramkoro an uwepekere eshishi yan.

I Timoteos 6:20

Aa Timoteos, e shikkashimare an okaibe epungine hine momok an oha-hawe orowa no hene shunge no aye eramushbe epokbap orowa no hene yaiohaitare yan;

II Timoteos 2:16

Koroka, momok an oha-hawe eshishi yan: inambe gusu ne yakun, nei okaibe anak ne shomo Kamui kooripakbe gusu naa iki kuni okaibe ne,

II Timoteos 3:2

Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

Titus 1:10

Inambe gusu ne yakun, inne no okai itakkashi utara, raka-sak itak sange wa kokandama ki utara okai, makangane okarituye-buri oma utara nei no okai,

Titus 1:16

Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.

Titus 1:6

nenka wen-buri sak, shine mat koro, rurisama eyanasapbe shomo ne, itakkashi shomo ne okai eishokor-i atte poho koro yakun.

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Hebraios 11:31

Eishokor-i an gusu hoiyo-buri koro Rahab anak ne, itomo irenga sange wa nei inukara utara uk, aine, itakkashi utara tura shomo aisamka nisa ruwe ne.

Hebraios 12:16

orowa, hoiyo ki guru hene, yaikota koro kuni eikeshkorobe shine rai no an aep oro gusu ehok Esau nei no an shomo oripak an guru hene an ya isam ya ingara yan.

I Petros 2:7

Tambe gusu, eishokoro ki echi utara gusu tan aeoripak ambe an: koroka, shomo eishokoro ki utara gusu, Chisei kara utara emaka shuma anak ne, Nei shuma anak shikkiu sapane shuma ne akara nisa ruwe ne;

I Petros 3:20

nei ramat anak ne fushkotoita, Noa okai wa shinuma kara chip aetokooiki wa an Kamui ramushiporore ki wa untere rapoketa itakkashi utara ne; nei chip otta moyo utara, tupesan niu ne utara wakka gusu kashiaobiuki nisa ruwe ne na;

I Petros 4:18

Orowa, oupeka guru anak ne hokamba no kashiaobiuki chiki, Kamui shomo kooripak utara newa katpak ki utara nei ita anukarape ne ruwe he

Youdas 1:15

obitta no okai utara koipishi, Kamui koatcha obitta no okai utara koatcha an wa obitta no okai koatcha ki ikip gusu hemhem, Shinuma ohaigekara wa koatcha wen-buri koro utara ye hokamba itak gusu hemhem ki kusu ne na.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.