I Timoteos 1:5 - Ashiri Aeuitaknup Iyohaichish Yona 1897

⁵ Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

I Timoteos 1:5 ပူးပေါင်းရင်းမြစ်များ

Iyohaichish 24:4

Turusak tekehe newa ashkanne sambe koro; Keutum ta ohap ramepakari shomoki, Shunge uitaknup shomo ki guru ne ruwe ne.

Iyohaichish 51:10

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

Mattaios 12:35

Pirika ainu anak ne pirika ikoro an ushike wano pirikap sange ruwe ne, wen ainu anak ne wen ikoro an ushike wano wenbe sange ruwe ne.

Mattaios 5:8

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Apostoro ikip oma kambi 15:9

aige, nei utara newa chi utara gusu shinnai no are shomoki no eishokor-i ani koro keutura ashkannere.

Apostoro ikip oma kambi 23:1

Orowa, Pauros anak ne nei uwekari orun oshikkurukote wa ene itak-hi :— Iriwak utara, tanto pakno kuani anak ne Kamui tek-samata pirika keutura kon no an wa an ruwe ne.

Apostoro ikip oma kambi 24:16

Tap okaibe gusu poka ramma Kamui epeka no me yakka ainu epeka no ne yakka ureepetchiu isam no an keutura ku koro kuni ne yaikota ku ikichi ruwe ne na.

Roma 10:4

Inambe gusu ne yakun, obitta no okai eishokoro utara aoupekare kuni gusu Kiristo anak ne tuitak aeramushinnep ne ruwe ne na.

Roma 12:9

Kankapkapeka shomoki no omap yan.

Roma 14:15

Inambe gusu ne yakun, aep gusu e koro iriwak aoknatare chiki, tane omap ki no shomo e apkash ruwe ne. E koro aep ani,

Roma 9:1

Ku sambe ta ramma shomo okere tun un wa

I Korintos 13:1

Usa okai ainu itak ani hene Kamui hauturumbe itak ani hene ku itak yakka, omap ambe ku sak chiki, humi ash shiunin kani hene, iyenenumba nyohachi hene korachi ku ne ruwe ne.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

I Timoteos 1:18

Ku poho ne Timoteos, ani pirika tumi e kotumikoro iki kuni ne, teeda e kashita etoko arapa uweingarape an korachi,

I Timoteos 1:19

ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:

I Timoteos 3:9

turu-sak keutum ani eishokor-i gusu an mukke ambe shikkashima.

II Timoteos 1:3

Tokap ne yakka kunne ne yakka echi nukan rusui hine okere shomoki no ramma echi eshkarun wa ku inonno-itak, aige, ku goro ekashi utara wano aotke-otke shomo ne an keutum ani otta ku yaishieiwangere Kamui ku yaiiraige na,

II Timoteos 1:5

orowa, e onnaigeta an kankapkapeka sak eishokor-i a en eshkarunde an; hoshiki no nei ambe anak ne e koro huchi Rois newa e koro habo Euneike oshiketa an; orowa, e onnaigeta ne yakka an sekoro ku eishokon ruwe ne.

II Timoteos 2:22

Koroka, upen guru iki rusui wen-buri eshishi hine turu-sak sarabe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.

Titus 1:15

Turu-sak guru otta obitta no okaibe anak turu-sak ruwe ne: koroka, turu-ush wa eumbipka utara otta nep ne yakka shomo turu-sak ruwe ne; aige, koro sambe ne yakka keutum ne yakka turu-ushbe ne ruwe ne na.

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Hebraios 13:18

Un gusu inonno-itak ki wa un kore: chi utara anak ne oheuge keutura sak wa nep ne yakka gusu oupeka no moshiri koapkash rusui ruwe ne sekoro chi ramu ash ruwe ne gusu ne na.

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 3:16

echi ohaigekara an wa, Kiristo otta echi iki pirikap wen no ye utara anak ne ayainikoroshmare kuni gusu, katpak isam no an keutum koro yan.

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 3:3

Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.