I Timoteos 1:3 - Ashiri Aeuitaknup Iyohaichish Yona 1897

³ Etokota Makedonia moshirʼotta ku arapa ita eani anak ne Epesos kotan ta riya hine, okai an utara anak ne moshima an epakashi iteki epakashnu, samata, eishokor-i oma Kamui orowa no ashikkashimare ambe shomo ne no an,

I Timoteos 1:3 ပူးပေါင်းရင်းမြစ်များ

Apostoro ikip oma kambi 18:19

Aige, nei utara Epesos kotan ta koshireba, awa, nei kotan ta nei utara hoppa: koroka, shinuma yaikota nei uwekarapa chisei ta ahun wa Yudea un utara tura eukoyupekere nisa ruwe ne.

Apostoro ikip oma kambi 18:21

koroka, shinuma uwetutkopak ki, aine, Kamui rengaine an chiki shui echi orun ku hoshipi kusu ne ari itak koro, Epesos kotan wano atuitomotuye wa oman nisa ruwe ne.

Roma 15:26

Inambe gusu ne yakun, Makedonia newa Akaya un utara anak ne pirika irenga sange wa, Yerusarem kotan ta an ashkanne utara tumta okai otek-sak utara gusu eurep koropare kuni kan nisa,

Roma 16:17

Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

II Korintos 11:4

Hemanda gusu ne yakun, ek kushki guru anak ne shomo chi utara eupaskuma ash moshima an Yesu eupaskuma hene ki yakun, shui, teeda echi akore ramat moshima an ramat echi uk hene ki yakun, samata, shomo echi uk okere moshima an pirika shongo echi uina hene echi ki yakun,

Epesos 4:14

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

Piripoi 2:24

koroka, kuani yaikota tewa no tunashi no echi orun ku oman kuni Utarapa gusu ku chipachipa ruwe ne.

I Timoteos 4:11

Tap okaibe kashpaotte hemhem ki, epakashnu hemhem ki yan.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

I Timoteos 5:7

Nei utara anak ne aekot kuni ushike isam kuni ne tap okaibe ne yakka kashpaotte yan.

I Timoteos 6:10

Inambe gusu ne yatun, ichen omap ambe anak ne usa okai wenbe koro shinrit ne ruwe ne: sereke okai utara anak ne nei ambe epa kuni iki hine eishokor-i wano ashiren, aige, inne no okai shirikirap ani yaiotke kushna nisa ruwe ne na.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

I Timoteos 6:3

Moshima okai epakashi epakashnu hine, nisashnu itak, chikoro Utarapa ne Yesu Kiristo koro itak otta hemhem Kamui kooripak korachi an epakashi otta hemhem ramuoshma shomoki guru an chiki:

II Timoteos 1:18

en pa nisa ruwe ne (Utarapa toho ta Utarapa anak ne shinuma erampokiwen wa kore kuni ku koramkoro); samata, Epesos kotan ta hempak inne okaibe ani shinuma en gusu yaishieiwangere ambe aokai pirika no eraman ruwe ne na.

II Yoannes 1:7

Inne no okai kokandama ki utara anak ne moshiri orota araki wa okai, Yesu Kiristo ainu netoba koro wa ek sekoro ambe shomo pushpusu utara tambe ne ruwe ne. Tambe anak kokandama ki guru ne, nei a anti-kiristo ne ruwe tapan na.

Ekambakbe 2:14

Koroka, e epeka pon no okaibe an, Israeru un utara anak ne potoki otta ayange ambe ibe hemhem ki, hoiyo hemhem iki kuni ne nei kotchaketa ureepetchiure kuni nep Barak ande gusu epakashnu Baraam iki epakashi koro utara e tura no an ruwe ne gusu ne na.

Ekambakbe 2:20

Koroka, e epeka gusu an ambe an, yaikota uweingara guru ne ari itak nei a shiwentep anak ne Yesaberu e aude ruwe ne gusu ne na; nei shiwentep anak ne Ku goro usshiune utara hoiyo hemhem ki, potoki otta ayange okaibe ibe hemhem ki kuni epakashnu wa kokandama ruwe ne.