I Timoteos 1:19 - Ashiri Aeuitaknup Iyohaichish Yona 1897

¹⁹ ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:

I Timoteos 1:19 ပူးပေါင်းရင်းမြစ်များ

Mattaios 6:27

Echi tumugeta inan guru ka nishomap wa shine ik pakno hene yaikewe porore eashkai ya?

I Korintos 11:19

Inambe gusu ne yakun, echi tumugeta auwande wa okai utara anukara kuni ne echi tumugeta Kamui orushpe ohoge yainu ambe ne yakka an a ambe ne ruwe ne gusu ne na.

Garatea 5:4

Tuitak gusu aoupekare kuni esanniyo echi utara anak ne Kiristo orowa no aemakap ne, Kamui irenga ehaitap ne ruwe ne na Inambe gusu ne yakun,

I Timoteos 1:5

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

I Timoteos 3:9

turu-sak keutum ani eishokor-i gusu an mukke ambe shikkashima.

I Timoteos 6:12

ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

I Timoteos 6:21

sereke okai utara anak ne nei okaibe eishokoro kunak ye wa eishokor-i ohaita nisa ruwe ne na. Irenga e otta an kuni akoramkon na.

I Timoteos 6:9

Koroka, yaieoteknure rusui utara anak ne, isamka ambe newa wen ushike ta utara esumba wa aronnu korachi an akoramnukara ambe newa akbe newa inne no okai ohaita iwende ibeporore ambe oro-oshma ruwe ne.

II Timoteos 2:18

nei utara tumugeta Humenaios newa Piritos okai ruwe ne; nei utara anak ne sonep gusu ohaita, aige, hetopo-a-shiknure ambe anak ne aokere ruwe ne sekoro ye hine sereke okai utara eishokor-i hokushte ruwe ne.

II Timoteos 4:4

orowa, sonep orowa no koro kisara hosari hine uwepekere orun atte kusu ne.

Titus 1:9

anak ne nei nisashnu an epakashi gusu onishnishi eashkai hemhem ki, eutastasa utara oitaksakka eashkai hemhem ki kuni ne, nei epakashi kopakeat no an sone an itak shikkashima kuni guru ne ruwe ne na.

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

I Yoannes 2:19

Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.

Ekambakbe 3:8

e ki ikip Ku eraman (ingarʼan, nen ne yakka seshke eaikap asarare wa an apa e kore ash na), eani anak ne pon no kiroro koro, orowa, Ku itak shikkashima, aige, Ku reihei shomo eshikashke nisa ruwe ne.