I Tessaronike 5:6 - Ashiri Aeuitaknup Iyohaichish Yona 1897

⁶ tambe gusu, moshima utara iki korachi iteki mokoro ashro, koroka, shiruwande hene ki yairamatte hene ki yanro.

I Tessaronike 5:6 ပူးပေါင်းရင်းမြစ်များ

Jona 1:6

Tambe gusu, chip esapane guru Yona otta ek wa ene itak-hi:— Mokon-nuye guru nekon a e ki ya? Hopuni wa e koro Kamui ko-hotuyepa yan, yak anak ne Kamui chi utara shomo aisamka kuni un esanniyo kuni ka aramu.

Mattaios 13:25

koroka, utara mokon rapoketa epokba guru shinen ek wa mungi tumugeta zizania mun etoita wa oman ruwe ne.

Mattaios 24:42

Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na.

Mattaios 25:13

echi eramushkare ash na, ari itak. Tambe gusu shiruwande yan; inambe gusu ne yakun, tobo ne yakka pakihi ne yakka echi erampeutek ruwe ne gusu ne na.

Mattaios 25:5

Awa, mat-ahupkara guru moire wa gusu, nei utara obitta rubotke wa mokon ruwe ne.

Mattaios 26:38

Nei ita Shinuma nei utara otta ene itak-hi :— Ku ru rai pakno Ku keutum shiri yairamkoiki ruwe ne: teda echi tere wa En tura no shiruwande yan.

Markos 13:37

Echi otta Ku ye itak obitta no okai utara otta Ku ye :— Shiruwande yan.

Roukos 12:37

Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Roukos 12:39

Koroka, tambe onnere yan, ikka guru inan pakita ek ya sekoro chisei kon nishpa eraman chiki, shiruwande wa chisei iteki aopattekka kuni ne kara.

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Roukos 22:46

Hemanda gusu echi mokoro ya? Hopumba wa iteki echi akoramnukara kuni ne inonno-itak yan, ani itak.

Apostoro ikip oma kambi 20:31

Tambe gusu, shiruwe yan, orowa, re pa uturuta kuani nupe poka yaikorange iki hine kunne-to ta hene tokap-to ta hene yomne shomoki no echi pishno ku epakashnu nisa ruwe ne a ambe eshkarun yan.

I Korintos 15:34

Oupeka an no mosh wa iteki katpak ki: an utara anak ne Kamui eramushkare ruwe ne gusu ne na: echi utara ayainikoroshmare kuni gusu tambe ku ye ruwe ne.

I Korintos 16:13

Shiruwande yan, eishokor-i atte wa nishuwamne no roshki yan, okkaiyo ramkoro yan, yaitumashnure yan.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

Epesos 6:18

shui, ramma-kane Ramat otta obitta no okai inonno newa koramkorobe ani inonno-itak ki, orowa, nei okaibe gusu shiure wa obitta no okai ashkanne utara gusu yaishiporore hine koramkoro,

Piripoi 4:5

Echi kon rotcha keutum obitta no okai utara otta nukare yan.

Korosai 4:2

Shiyuppa no inonno-itak ki, iyaiiraige koro wa iki hine shiruwande yan;

I Tessaronike 4:13

Koroka, iriwak utara, mokonnoye utara gusu echi erampeutek-hi chi kopan; aechipachipa kuni ushike sak no moshima no okai utara korachi iteki echi ok keutum koro kuni gusu ne na.

I Tessaronike 5:10

tambe anak, shiruwande ash yakka, mokoro ash yakka, Shinuma tura no ishu ash kuni gusu ne na.

I Tessaronike 5:8

Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

I Timoteos 2:15

koroka, nei utara yaikatanu ambe tura eishokor-i atte hemhem ki, omap ambe hemhem ki, aturu-saktep otta an hemhem iki yakun, poho shikore ita akaobiuki kusu ne na.

I Timoteos 2:9

Tambe nei no shiwente utara oripak an hine yaikatanu wa pirikap kopakeat amip ani yaimire; otop oshke ambe ani hene kongani ani hene ikani ani hene ataye yupke amip ani hene iteki ki yak pirika; koroka,

I Timoteos 3:11

Shiwente utara ne yakka yaikatanu kunip ne, shomo ohaigekara, yairamatte, nep ne yakka gusu son no ambe ki kunip ne ruwe ne.

I Timoteos 3:2

Tambe gusu episkopos anak ne aekot kuni ushike sak, ouse shine mat koro, yairamatte wayashnu keutum koro, irammakaka an, ikateomare ki, epakashnu eashkai, shomo iku-sakayo ki,

II Timoteos 4:5

Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Titus 2:6

upen ainu ne yakka keutum yaieashirikara kuni kara yan:

I Petros 1:13

Tambe gusu, echi koro keutum ta kut koro wa yairamatte yan, orowa, Yesu Kiristo anukara ita echi utara gusu hetuku irenga utumashi shomoki no echipachipa yan;

I Petros 4:7

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

I Petros 5:8

Yaishikkashima wa yairamatte yan; echi epokba nitnep anak ne hawe ashte shishi korachi e kuni guru hunara gusu apkash korʼan ruwe ne:

Ekambakbe 16:15

(Ingarʼan, ikka guru koracki Ku ek na. Ika atusa no apkash hine utara nei atusa ambe nukara kuni ne, shiure wa koro mipihi shikkashima gurʼanak ne shinnunuke an ruwe ne).

Ekambakbe 3:2

aine, e rai okere ruwe ne. Eani anak shiruwande, orowa, rai etokooiki an ikashima okaibe roshkire yan: inambe gusu ne yakun, Ku goro Kamui kotchaketa auweomare an e ki ikip shomo Ku nukan ruwe ne gusu ne na.