I Tessaronike 5:5 - Ashiri Aeuitaknup Iyohaichish Yona 1897

⁵ inambe gusu ne yakun, echi utara obitta pekere un poho echi ne, tokap to un poho echi ne ruwe ne gusu ne na: anchikara unbe shomo chi ne, kunne-i unbe shomo chi ne ruwe ne;

I Tessaronike 5:5 ပူးပေါင်းရင်းမြစ်များ

Roukos 16:8

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Yoannes 12:36

Pekere poho echi ne kuni gusu nei pekere echi otta an rapoketa, nei pekere eishokoro yan. Yesu tap okaibe ye okere koro, oman wa nei utara gusu yai-nuina nisa ruwe ne na.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

I Tessaronike 5:8

Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

I Yoannes 2:8

Shui, ashiri ikashpaotte echi gusu ku nuye na, nei ambe anak ne Shinuma oshiketa ne yakka echi oshiketa ne yakka son no ambe ne; inambe gusu ne yakun, kunne-i okere koran, orowa, son no pekere nupeki atte wa an ruwe ne gusu ne na.