I Tessaronike 5:24 - Ashiri Aeuitaknup Iyohaichish Yona 1897

²⁴ Echi nishukbe anak ne ikipniukeshbe ne, aige, nei no kara poka iki kusu ne na.

I Tessaronike 5:24 ပူးပေါင်းရင်းမြစ်များ

Iyohaichish 100:5

Ehoba anak ne pirika ne, koro rampoken nei pakno ne yakka an ambe ne; Shinuma koro son-i anak ne shashuishiri pakno ash ruwe ne.

Iyohaichish 138:2

E koro Ashkanne kenru oropeka ku ongami, Orowa, E koro omap-an-ramuhauge irenga newa sonep gusu E kon reihei orun ku koyaiiraige ash kusu ne: E kon reihei kasu no E korʼitak E pasere nisa ruwe ne gusu ne na.

Iyohaichish 146:6

Nei Kamui anak ne kando newa toitoi, Atui newa otta obitta no okaibe kan nisa; Shinuma otusashuishiri pakno sonep shikkashima ruwe ne:

Iyohaichish 36:5

Aa Ehoba, E koro omap-an-ramuhauge-i anak ne kando otta an; E koro sonep aoingara kando pakno epa ruwe ne.

Iyohaichish 40:10

E koro oupeka orushpe ku keutum oshiketa shomo ku nuina nisa; E koro ikipniukesh-hi newa kashiobiuki-hi ku ye nisa: Poro uwekari gusu E koro omap-an-ramuhauge-hi newa sonep shomo ku nuina nisa ruwe ne.

Iyohaichish 86:15

Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.

Iyohaichish 89:2

Inambe gusu ne yakun, ramma pakno rampoken anak ne aashte, E ki ikipniukeshbe shi no kando otta aatte kusu ne na, sekoro ku itak nisa ruwe ne gusu ne na.

Iyohaichish 92:2

Kunneiwano E sange omap-an-ramuhauge-hi atte, Kes anchikara ta E koro sonep assuru ashte-hi,

Mattaios 24:35

Kando newa toi anak ne aisamka kusu ne, koroka, Ku itak anak aisamka shomoki kusu ne na.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 3:33

Nei paweteshu ambe nu guru anak ne Kamui anak sonep ne ani an ambe otta koro han omare nisa ruwe ne.

Roma 8:30

orowa, Shinuma etoko wano esanniyo utara, shui, Shinuma nei utara nishuk: orowa, Shinuma nishuk utara, shui, Shinuma oupekare: orowa, Shinuma oupekare utara, shui, Shinuma nupeki kore nisa ruwe ne.

Roma 9:24

Ouse Yudea an utara wano patek shomo ne, koroka, Oya un utara wano ne yakka Shinuma nishuk utara, chi utara kata yakka koro nupeki oma oteknu ambe eramande kuni gusu ne chiki, nekon a?

I Korintos 1:9

Kamui anak ne ikipniukeshbe ne, Shinuma ankushkerai koro Poho chikoro Utarapa ne Yesu Kiristo tura no iki kuni a un hotuyekara an na.

I Korintos 10:13

Ainu sei eaikap ikoramnukara-hi echi utara gusu isama; koroka, Kamui anak ne sonep ne, echi yaishiporore eashkai kasu no echi utara akoramnukara kuni ramuoshma shomoki kusu ne: koroka, echi yaishiporore eashkai kuni ne nei koramnukara-hi tura ohaitare kuni ushi kan ruwe ne gusu ne na.

Garatea 1:15

Koroka, Kamui rengaine ku goro habo honihi wano en usa ande wa, oya utara tumugeta eupaskuma kuni ne en oshiketa koro poho nukare hine koro irenga ani en tak ita anak ne,

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

II Tessaronike 3:3

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:13

chi utara anak ne sone ambe shomo ne a yakka, Shinuma ramma sonep ne; Shinuma yai-eshikashke eaikap ruwe ne gusu ne na.

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

II Petros 1:3

yaikota koro nupeki newa pirika ambe ani un takbe eraman-i gusu, koro Kamui oma kiroro anak ne inotu newa Kamui ko oripak-i otta an obitta no okaibe un koropare nisa;

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.