I Tessaronike 5:21 - Ashiri Aeuitaknup Iyohaichish Yona 1897

²¹ nep ne yakka uwande yan; pirika okaibe shikkashima yan;

I Tessaronike 5:21 ပူးပေါင်းရင်းမြစ်များ

Roukos 12:57

Orowa, nep gusu echi utara yaikota oupekap gusu shomo ko-ipishi ya?

Yoannes 15:4

En oshiketa echi okai yan, orowa, echi oshiketa Ku an kusu ne. Ni-tek anak ne pungara otta shomo kotuk chiki yaikota ibe o eaikap korachi, echi utara ne yakka En otta okai shomo ne chiki ibe o eaikap ruwe ne.

Yoannes 8:31

Tambe gusu, Shinuma eishokoro Yudea un utara otta Yesu ene itak-hi :— Ku itak otta echi oshiroma chiki, son no newa Ku goro koikara utara echi ne;

Apostoro ikip oma kambi 11:23

aige, shinuma ek wa Kamui irenga nukara chiki nupetne nisa ruwe ne; orowa, nei utara obitta keutum yupu hine Utarapa otta ko-okai kuni ne onishnishi nisa ruwe ne;

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Apostoro ikip oma kambi 17:11

Aige, nei kotan un utara anak ne irenga an keutura sange wa nei itak uk, aine, nei orushpe ene ani ne ya ingara kuni ne to pishno Kamui kambi-sosh uwande nisa ruwe ne gusu, Tessaronika un utara kasu no nupuru utara ne ruwe ne.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 12:9

Kankapkapeka shomoki no omap yan.

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

I Korintos 2:11

Kamui ooho-i chimichimi ruwe ne gusu ne na. Inambe gusu ne yakun, utara tumugeta, ainu oshiketa an ainu ramat moshima, ainu gusu an orushpe eraman guru inambe ne ruwe he an? Tap korachi Kamui Ramat moshima Kamui gusu an orushpe eraman guru oara isam ruwe ne.

Garatea 6:10

Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

Epesos 5:10

Utarapa nupetnere ambe uwande wa okai yan:

Piripoi 1:10

obitta no okai ramepakari otta hene aporore wa iyotta pirika okaibe echi esanniyo kuni ne ruwe ne;

Piripoi 3:16

ouse pakno shirepa ash okere-hi gusu nei no korachi apkash ashro.

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

I Tessaronike 5:15

Wenbe gusu iteki nen ne yakka wenbe eumontasa kuni ingara yan; koroka, uwe-utashpa hemhem, obitta no okai utara epeka hemhem, ramma pirikap iki yan.

I Tessaronike 5:22

nep wen noine an ap a yakka eshishi yan.

II Tessaronike 2:15

Tambe gusu iriwak utara, tumashnu no roshki, orowa, itak ani hene ne ya chi nuye kambi ani hene ne ya aepakashnu oina shikkashima yan.

II Timoteos 1:15

Tambe e eraman, Asia moshiri ta okai utara obitta en orowa no hosari okere; nei utara tumugeta Pugeros newa Herraogones okai ruwe ne.

II Timoteos 3:6

tap okai utara wano eyaishishire yan. Tap okai utara wano usa chisei orun reyepa ahup hine chikokatpak sei ehaita shiwentep tek-pashte, usa okai wenbe ki rusui keutura an gusu aani,

II Timoteos 4:14

e ek chiki koro wa en kore yan. Fure-kani kik guru ne Areksandros anak ne shi no en wende nisa ruwe ne; Utarapa anak ne shinuma ki ikip esanniyo wa koropare kusu ne:

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

I Yoannes 4:1

Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.

Ekambakbe 2:2

E iki ambe hemhem, e tumutui ambe hemhem, e yaiyupupu ambe hemhem, samata, wen utara tura e an eaikapbe, orowa, Apostoro shomo ne okai hine apostoro ari an reihei ani yaiporose utara uwande wa shunge utara ne sekoro e nukara ambe Ku eraman;

Ekambakbe 2:25

Yakka, echi koro wa an ambe Ku ek pakno shiyuppa no shikkashima yan.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.