I Tessaronike 5:2 - Ashiri Aeuitaknup Iyohaichish Yona 1897

² Inambe gusu ne yakun, Utarapa toho anak ne an noshiketa ek ikka guru korachi ek kusu ne-hi sekoro irammakaka echi yaikota eraman ruwe ne gusu ne na.

I Tessaronike 5:2 ပူးပေါင်းရင်းမြစ်များ

Mattaios 25:13

echi eramushkare ash na, ari itak. Tambe gusu shiruwande yan; inambe gusu ne yakun, tobo ne yakka pakihi ne yakka echi erampeutek ruwe ne gusu ne na.

Roukos 21:34

Koroka, echi keutura anak ne ibeshikasure ambe ani hene, ihoshki ambe ani hene, shiknu gusu an okaibe enishomap ambe ani hene shomo aeshik kashpa wa iteki akbe korachi ekushkonna echi orun nei toho ek kuni ne yaitubare yan:

I Korintos 1:8

echi utara anak ne chikoro Utarapa ne Yesu Kiristo toho ta wen-buri sak no ka okai kuni ne Shinuma anak okese pakno echi tumashnure kusu ne na.

I Tessaronike 5:4

Koroka, echi utara anak ne, iriwak utara, ikka utara, iki korachi nei toho echi oshkoni kuni ne kunne-i oshiketa okai utara shomo echi ne ruwe ne:

II Tessaronike 2:2

tambe anak Utarapa toho tane an sekorobe gusu iteki echi keutura autumashire tunash, ramat ani ne yakka, itak ani ne yakka, un orowa no aette kambi ani ne yakka, iteki keutum chiukopoyere kuni

II Petros 3:10

Koroka, Utarapa tobo anak ne ikka guru korachi ek kusu ne; nei ita kando anak ne poro humi ashte wa isama, orowa, kando orunbe shiri seisek wa nin, orowa, toitoi hene otta okai ikip hene auhuyeka wa aisamka kusu ne na.

Ekambakbe 16:15

(Ingarʼan, ikka guru koracki Ku ek na. Ika atusa no apkash hine utara nei atusa ambe nukara kuni ne, shiure wa koro mipihi shikkashima gurʼanak ne shinnunuke an ruwe ne).

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.