I Tessaronike 5:15 - Ashiri Aeuitaknup Iyohaichish Yona 1897

¹⁵ Wenbe gusu iteki nen ne yakka wenbe eumontasa kuni ingara yan; koroka, uwe-utashpa hemhem, obitta no okai utara epeka hemhem, ramma pirikap iki yan.

I Tessaronike 5:15 ပူးပေါင်းရင်းမြစ်များ

Iyohaichish 38:20

Shui, pirikap shirine wenbe sange utara anak ne En epokba ruwe ne, pirikap ku ki ruwe ne gusu ne na.

Iyohaichish 7:4

Itomo irenga ikore guru otta wenbe ku kara yakun, (Shomo, ikkewe sak no en ramushitnere guru ku kashiobiuki nisa ruwe ne):

Mattaios 5:39

koroka, echi otta Ku ye, iteki wenbe eumontashpa yan, koroka, nen ne yakka echi shimon notakam kokik guru an chiki moshima an notakam ne yakka akik kuni ne kohosari yan.

Roukos 6:35

Koroka, echi pokba utara omap wa epirikare yan; echi korobe erusa wa iteki nei ambe gusu nishomap yan; yak anak ne echi pummaha porobe ne kusu ne; Iyotta Rikumbe poho echi ne kusu ne na; Shinuma anak ne wen utara otta ne yakka yaiiraige eramushkare utara otta ne yakka e ramu-hauge ruwe ne.

Apostoro ikip oma kambi 16:28

Koroka, Pauros anak ne rui hau ani hawe ashte wa ene itak-hi :— Iteki yaiewende yan: chi utara obitta teda okai ruwe ne gusu ne na, ari itak.

Roma 12:9

Kankapkapeka shomoki no omap yan.

Roma 14:19

Yakun, itomo irenga epeka kuni ambe hemhem, utashpa uashte kuni ambe hemhem keseamba yanro.

I Korintos 14:1

Omap ambe keseamba yan; yakka, makangane uweingara ki eashkai kuni ne ramuosshi wano ramat unbe kon rusui no okai yan.

I Korintos 16:10

Temoteos ek chiki, shinuma ishitoma shomoki no an kuni kara yan; inambe gusu ne yakun, kuani poka iki korachi, shinuma ne yakka Utarapa moni iki ruwe ne:

I Korintos 6:7

Ruwe un, utashpa atak wa ukoipishire ambe anak ne tane ne yakka echi utara gusu ara eikohaye ambe ne ruwe ne. Hemanda gusu nei iki ambe shirihine aeyaiwendere shomoki ya? Hemanda gusu nei ambe shirihi ne korobe akoukte shomoki ruwe he an?

Garatea 6:10

Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

Epesos 5:15

Tambe gusu, nekon a echi apkash ya yaitubare yan; wayasap guru korachi shomo ne no wayashnu guru nei no ki yan;

Epesos 5:33

Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

I Tessaronike 5:21

nep ne yakka uwande yan; pirika okaibe shikkashima yan;

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

II Timoteos 2:24

Orowa, Utarapa koro usshiune guru anak ne ukoiki kunip shomo ne, koroka, obitta no okai utara epeka rotcha wa an, epakashnu eashkai no an, wenbe gusu eyaishiporore wa an,

Titus 3:2

iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:17

Obitta no okai utara ko-oripak yan. Iriwak ne utara omap yan. Kamui koishitoma yan. Ahekote nishpa ko-oripak yan.

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

III Yoannes 1:11

Aomap an utara, wenbe iteki koikara, koroka, pirikap koikara yan. Pirikap iki gurʼanak ne Kamui orowa no an gunʼne; wenbe iki gurʼanak ne shomo Kamui nukan ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 22:9

Orowa, en orun shinuma ene itak-hi :— Iteki nei no ki yan: e tura no ne yakka, uweingara utara ne e koro iriwak utara tura no ne yakka, tan kambi oma itak ambe shikkashima utara tura no ne yakka iki uitek guru ku ne ruwe ne: Kamui koongami yan.