I Tessaronike 5:12 - Ashiri Aeuitaknup Iyohaichish Yona 1897

¹² Koroka, iriwak utara, echi tumugeta monraige hemhem ki, Utarapa oshiketa echi epungine hemhem ki, echi epakashnu hemhem ki utara onnere kuni echi onishnishi ash ruwe ne;

I Tessaronike 5:12 ပူးပေါင်းရင်းမြစ်များ

Roukos 10:7

Orowa, nei chisei ta echi reushi wa ikore an aep ibe hemhem ki iku hemhem ki yan: monraige guru anak ne pummaha uk kuni guru ne ruwe ne gusu ne na.

Yoannes 4:38

Otta shomo echi monraige ushike echi nange kuni gusu echi payere ash: moshima okai utara monraige, awa, nei moni otta echi ahup nisa ruwe ne.

Apostoro ikip oma kambi 20:28

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

Apostoro ikip oma kambi 20:35

Nep ne yakka gusu kuani echi epakashnu nisa; nei no echi monraige wa turasak utara kaobiuki kunip echi ne, orowa, Utarapa ne Yesu Shinuma yaikota ye itak ahupkara kasu no kore katu anak naa anunuke ambe ne ruwe ne, sekorʼan ambe echi eshkarun kunip ne ruwe ne.

Roma 16:12

Utarapa otta iki Tripainas newa Triposas uwekap an.

Roma 16:6

Echi utara gusu poron no iki Maria uwekap an.

I Korintos 12:28

Orowa, Kamui anak ne koro karisia oshiketa utara are okere, hoshiki no anak ne Apostoro utara ne, tu-otutanup anak ne uweingara utara ne, re ikinne an ap anak ne epakashnu utara ne, orowa, kiroro unbe okai, orowa, utara iwangere gusu an irenga okai, ikashiube okai, esapane utara okai, usa okai itak kutchama eraman utara okai ruwe ne.

I Korintos 15:10

Koroka, Kamui irenga gusu kuani ku an korachi okaibe ku ne ruwe ne; orowa, a en koropare Shinuma koro irenga anak ne seenne raka isam no a en koropare ruwe ne sekoro anukara; koroka, obitta no okai nei utara kasu no kuani naa poron no ku monraige nisa ruwe ne na: yakka, kuani shomo ne, koroka, a en koropare Kamui irenga iki ruwe ne.

I Korintos 16:16

nei no okai utara otta hene, tap ikip gusu iki wa monraige pishno an guru otta hene echi itaknu kuni kuani echi onishnishi ash ruwe ne.

I Korintos 16:18

Inambe gusu ne yakun, nei utara anak ne ku ramat ne yakka echi kon ramat ne yakka sambe shiturire nisa: tambe gusu nei no okai utara orun ramuoshma yan.

I Korintos 3:9

Inambe gusu ne yakun, chi utara anak ne Kamui tura no ikip iki utara chi ne: echi utara anak Kamui kara kot toi ne, Kamui aashtep ne ruwe ne.

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 5:9

Tambe gusu, unita ne yakka, oyakta an yakka Shinuma nupetnere kuni ne iki rusui ruwe ne.

II Korintos 6:1

Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

Garatea 4:11

Ikineipeka kuani raka-sak no echi utara gusu ku iki sekorʼambe ku shitoma ruwe ne.

Piripoi 2:16

kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

Piripoi 2:19

Koroka kuani echi orushpe ku nu wa aomaoma kuni gusu, nahun Utarapa ne Yesu irenga gusu echi orota Timoteos ku omande kunibe koro yainu ruwe ne na.

Korosai 1:29

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

I Tessaronike 2:9

Inambe gusu ne yakun, iriwak utara, chi ki monraige ambe newa nuwap ambe echi eshkarun: inan guru ne yakka shomo iramukurukuru kuni ne, tokap to ta hene kunne to ta hene monraige ki, aine, Kamui pirika shongo

I Tessaronike 4:1

Orosama iriwak utara echi utara, nekon a arabe ani apkash wa Kamui nupetnere kusu ne a ambe ne ya, un otta echi nu a gusu, nei no korachi echi apkash kuni ne — naa naa echi nuye an no okai kuni gusu — Utarapa ne Yesu Kiristo gusu koramkoro wa echi onishnishi ash ruwe ne.

I Tessaronike 5:14

Orowa, iriwak utara, uottumashi utara pakashnu, keutum katchak utara omaoma, turasak utara nitata orowa obitta no okai utara epeka ramu-shiporore kuni echi onishnishi ash ruwe ne.

I Timoteos 5:1

Ekashi ne chiki iteki kopashirota, koroka, michi korachi onishnishi yan;

I Timoteos 5:20

Chikokatpak utara okai chiki, moshima okai utara ishitoma kuni ne obitta no okai utara shik-samata pakashnu yan.

II Timoteos 2:6

sapa-umbe shomo aunu ruwe ne Monraige wa etoita gurʼanak ne hoshiki no nei hetuku ibehe ibe kunip ne.

Titus 1:3

koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

Titus 1:5

Tambe gusu, Krete kotan ta e ande ash nisa ruwe ne, eikohaye okaibe e shitchashnure hene ki, ku e kashpaotte ash korachi, pishno an machiya oshiketa ekashi atte hene e ki kuni ne e ande nisa;

Titus 2:15

Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Hebraios 13:17

Echi epungine utara koitaknu wa otta yairapo-kikara yan: nei utara anak ne echi kon ramat gusu shiruwande wa okai, gusu aesanniyo kusu ne utara korachi nep; nei utara nuwap shomoki no, nupetne no iki kuni ne kara yan: shomo ne yakun, tambe echi gusu raka-isambe ne ruwe ne gusu ne na.

Hebraios 13:7

Echi epungine utara, Kamui itak echi orun ye utara eshkarun yan; orowa, nei utara ene moshiri koapkash wa ikichi ambe esanniyo hine, koro eishokor-i koikara yan.

Ekambakbe 1:20

Ku shimon-tekehe kata e nukara arawan nochiu newa nei arawan kongani ratchako newa gusu an mukke ambe tapne ne. Nei arawan nochiu anak ne nei arawan karisia koro hauturumbe ne: nei arawan ratchako anak ne arawan karisia ne ruwe ne na.

Ekambakbe 2:12

Orowa, Pergamos kotan ta an karisia koro hauturumbe gusu ene nuye yan;

Ekambakbe 2:18

Orowa, Tuateira kotan ta an karisia koro hauturumbe gusu ene nuye yan; Abe nui nepkoro an shiki koro, aturu-sakte shiuninkani nei no an kemaha koro Kamui Poho ene itak-hi:—

Ekambakbe 2:3

aige, eani yaiyupupu an wa Ku reihei gusu yaishiporore hine shomo tumutui ruwe ne.

Ekambakbe 2:8

Orowa, Sumurna kotan ta an Karisia koro hauturumbe gusu ene nuye yan;

Ekambakbe 3:1

Orowa, Sardeis kotan ta an karisia koro hauturumbe gusu ene nuye yan; Kamui arawan Ramat newa nei arawan nochiu newa koro gurʼanak ne ene orushpe ye-hi :— E ki ikip Ku eraman, aige, eani anak ne ishu korʼan kunak reihei e koro,

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

Ekambakbe 3:7

Orowa, Piradarpeia kotan ta an karisia koro hauturumbe gusu ene nuye yan; Ashkanne guru, son no an guru, Dabid koro kangi shikkashima wa apa maka hine nen ne yakka seshke eaikap, aige, seshke hine nen ne yakka maka eaikap, Shinuma tap okaibe ye ruwe ne: