I Tessaronike 4:9 - Ashiri Aeuitaknup Iyohaichish Yona 1897

⁹ Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

I Tessaronike 4:9 ပူးပေါင်းရင်းမြစ်များ

Iyohaichish 133:1

INGARʼAN, shine keutum koro wa uiriwak utara oshiroma-hi anak ne, Nep pirika wa eramasure ambe humi!

Mattaios 22:39

Tutanu an ap anak ne tambe nei no an ruwe ne, Eani yaikota yaiomap korachi aota un guru ne yakka omap yan.

Yoannes 14:26

Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na.

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Roma 12:10

Wenbe etunne wa pirikap otta ko-an. Iriwak utara ko-omap wa uwe-eramuhaugere yan; aainukoro wa uwe-eoripak yan;

II Korintos 9:1

Ashkanne utara otta yaishieiwangere ambe gusu ku nuye katu anak ne echi utara gusu ikashima an ambe ne ruwe ne:

Piripoi 3:15

Tambe gusu, aeramushinne okere obitta no okai chi utara anak ne nei no esanniyo ashro; orowa, nep okaibe gusu shinnai no echi sanniyo chiki tambe poka Kamui anak ne echi eramande kusu ne:

I Tessaronike 5:1

Koroka, pakihi newa paha epeka anak, iriwak utara, echi gusu ku nuye ika isam ruwe ne.

Hebraios 10:16

Utarapa ene itak-hi :— Nei toho okaketa nei utara tura no Ku ki kusu ne aeuitaknup anak ne ene ani ne; Nei utara koro sambe ta Ku tuitak Ku omare, Koro keutum kata ne yakka nei okaibe Ku nuye kusu ne, ani itak,

Hebraios 13:1

Iriwak utara koomap ambe ramma-kane an kuni ki yan.

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

I Yoannes 2:10

Koro iriwak omap gurʼanak ne pekere otta oshiroma, aige, Shinuma oshiketa ureepetchiure ika isam ruwe ne.

I Yoannes 3:11

Atpake wano echi nu okere shongo anak ne ene ani ne, chi utara utashpa uweomap ki kuni an ambe ne:

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 4:21

Kamui omap guru anak ne koro iriwak ne yakka omap kuni sekorʼan ipawetenge Shinuma orowa no a un kore nisa ruwe ne na.