I Tessaronike 4:6 - Ashiri Aeuitaknup Iyohaichish Yona 1897

⁶ inan guru ne yakka tap ambe otta iteki eikaunu ki hine koro iriwak ika kokandama na: inambe gusu ne yakun, chi utara teeda anu no chi ye wa nure ash korachi, tap okaibe gusu Utarapa anak ikemnu ki ambe ne ruwe ne gusu ne na.

I Tessaronike 4:6 ပူးပေါင်းရင်းမြစ်များ

Iyohaichish 140:12

Ehoba anak ne ayairamshitnere utara ikemnu, Orowa, irapokkari utara gusu an aesanniyop ashte kusu ne sekoro ku eraman.

Iyohaichish 94:1

AA ikemnu ki Kamui ne Ehoba, Ikemnu ki kuni Kamui, pekere atte wa en kore.

Markos 10:19

Eani ikashpaotte eramʼan, Iteki keuk yan, Iteki omoinu koro yan, Iteki ikka yan, Iteki shunge paweteshu ki yan, Iteki iramisamka, E koro ona, newa unu ko-oripak yan, ari itak.

Roukos 12:5

Koroka, inambe echi ko-ishitoma kunip ne ya echi nure ash na: Raige orowa no Gehenna otta eyapkiri mondum koro guru ishitoma yan; Ruwe un, Shinuma ko-ishitoma yan, ani Ku ye.

Roukos 16:28

inambe gusu ne yakun, ainu iriwak ashikne niu ku goro: nei utara iteki tan panakte an ushike un ahup kuni ne orota paweteshu kire wa en kore, sekoro itak.

Roma 1:18

Oupeka sak wa sonep shirikonumba wa okai utara koro obitta no okai Kamui koatcha ambe newa oupeka sak-i gusu, Kamui irushka-hi kando orowa no aekambak wa an;

Roma 12:19

Omap an utara, yaikota gusu iteki ikemnu yan, koroka, irushka kuni an ushike kara yan; inambe gusu ne yakun, — Ikemnu ki kuni ambe anak ne en otta an ruwe ne, Kuani yaiattasa Ku ki kusu ne na, ari an itak ani Utarapa ye, sekorʼambe chieshinnuye wa an ruwe ne gusu ne na.

Roma 13:4

nei ambe anak ne eani pirikare gusu an Kamui uitek guru ne ruwe ne gusu ne na. Koroka, wenbe e ki yak anak ne, ishitoma yan, shinuma raka isam no rangetam koro shomoki: Kamui uitekbe ne, wenbe ki gusu hetuku irushka-i sange wa panakte ki guru ne ruwe ne gusu ne na.

II Korintos 7:11

Inambe gusu ne yakun, tapne an ambe ingarʼan, Kamui kooripak nei no echi aoknatare gusu anak ne, echi tumugeta nep yuptek no echi iki humi! ruwe un, nep kikikara ambe! ruwe un, nep kinrakara ambe! ruwe un, nep ishitoma ambe! ruwe un, nep eyaikatekara ambe! ruwe un, nep seisek mau keutum! ruwe un, nep ikemnu ambe humi! nep ne yakka nei orushpe gusu echi utara anak ne turu-sakbe ne sekoro echi yaiashte nisa ruwe ne.

Garatea 5:21

iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Epesos 4:28

Ikka nisa guru anak ne tewa no iteki ikka yanro: koroka, eishiramne guru otta koropare kuni okaibe an kuni ne, monraige wa koro teke ani pirikap ki yan.

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

I Tessaronike 2:11

poho utara otta iki nei no chi utara ne yakka pishno no an echi utara onishnishi ash hemhem ki, rametokte ash hemhem ki,

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

Hebraios 13:4

Obitta no okai utara tumuta umurek guru nei-hi hemhem, akoatcha shomoki shotki hemhem kooripak yan: inambe gusu ne yakun, Kamui anak ne hoiyo utara newa omoinu koro utara koipishi kusu ne gusu ne na.

Hebraios 2:6

nei ita an nep ushiketa paweteshu ki wa ene itak-hi :— Aokai orowa no aeshkarun kani gusu ainu anak ne nekon a ambe ne ya? Otta Aokai arapa kuni gusu ainu poho nekon a ambe ne ruwe he an?

Yakob 2:6

Koroka, echi utara anak ne nei irapokkari guru epeka shomo yaikatanu ki nisa ruwe ne na, oteknu utara anak ne echi ramunishte wa kore hine akoipishi set otta echi nimba shomoki ruwe he an?

Yakob 5:4

Ingarʼan, echi utara iramisamka ki wa echi kot toi mose-kara gusu auitek utara koro pummaha hawe ashte ruwe ne: mose-kara ki utara koro hawehe anak ne Sabaot koro Utarapa kisaraha orun ahun nisa ruwe ne na.