I Tessaronike 4:4 - Ashiri Aeuitaknup Iyohaichish Yona 1897

⁴ pishno pishno echi utara anak koro aeramhekotep turu-sak no aeoripak an no shikkashima arabe echi eraman wa,

I Tessaronike 4:4 ပူးပေါင်းရင်းမြစ်များ

Apostoro ikip oma kambi 9:15

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Roma 1:24

Tambe gusu, Kamui anak ne nei utara koro keutum ta okai kon rusuibe gusu ichakkere ambe otta ekoshi nisa, kon netobake uwetashpa akoatcha kuni gusu ne na:

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 6:19

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

I Korintos 6:15

Echi kon netobake anak ne Kiristo koro awehe ne sekorʼambe echi erampeutek ruwe he an? yakun, kuani anak ne Kiristo koro awehe ku uk wa hoiyo ki shiwentep koro awehe ne kara kusu ne ya? Oara shomo ruwe ne.

I Korintos 7:2

koroka, hoiyop an gusu ainu pishno koro machi yaikota koro yan, shui, shiwentep pishno koro hoku yaikota koro yan.

I Korintos 7:9

Koroka, yaishikkashima eaikap chiki, umurek ne akara yan: inambe gusu ne yakun, paraparase kasu no an ambe anak ne uahupkara chiki pirika ruwe ne.

II Korintos 4:7

Koroka, nei shiri poro kiroro anak ne un orowa no shomo ne, Kamui orowa no an kuni gusu, toitoi op oshiketa chi utara tan ikoro kon ruwe ne;

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

Hebraios 13:4

Obitta no okai utara tumuta umurek guru nei-hi hemhem, akoatcha shomoki shotki hemhem kooripak yan: inambe gusu ne yakun, Kamui anak ne hoiyo utara newa omoinu koro utara koipishi kusu ne gusu ne na.

I Petros 3:7

Tap korachi hoku ne echi utara, echi koro inonno-itak shomo aerannakbe ne kuni gusu, eraman no koro machi tura oshiroma, aige, echi utara ukotura shiknu irenga koro wa okai gusu, shinuma turasak awehe ne aesanniyo wa ko-oripak yan.