I Tessaronike 4:17 - Ashiri Aeuitaknup Iyohaichish Yona 1897

¹⁷ orowa no, shiknu wa okai utara, ahoppa wa okai utara anak, rik-mau tumta Utarapa uwetunangara kuni ne nei utara tura no nishkuru orun auk kusu ne: aine, ramma pakno Utarapa tura no okai kusu ne na.

I Tessaronike 4:17 ပူးပေါင်းရင်းမြစ်များ

Iyohaichish 16:11

Ishu oma ru Aokai en eramande kusu ne: E tek samata aeyainuchattekbe anak aeshik ruwe ne; E koro shimon teke otta otusashuishiri pakno an pirikap okai ruwe ne na.

Iyohaichish 17:15

Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.

Iyohaichish 49:15

Koroka, Kamui anak ne Sheo kiroro wano ku kon ramat kikiraye kusu ne: Shinuma anak ne en uk kusu ne gusu ne na. [Sera.]

Iyohaichish 73:24

Aokai anak ne E koro ukoramkoro-hi ani en epakashnu kusu ne, Orowa, okaketa nupeki an ushike orun en ahunge kusu ne na.

Mattaios 26:64

Orota Yesu ene itak-hi :— E ye okere ruwe ne: yakka e otta Ku ye, tap imakake Ainu Poho mondum koro shimon-tek samta a hine kando nishkuru kashiketa an wa ek shiri e nukara kusu ne ruwe ne, sekoro itak.

Markos 14:62

Orota Yesu ene itak-hi :— Ruwe ne wa; orowa, Ainu Poho kiroro shimon tek samata a hine kando nishkuru koro wa ek shiri echi nukara kusu ne na, ari itak.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

Yoannes 14:3

Echi okai kuni ushike Ku etokooiki gusu Ku arapa yak anak ne, shui Ku ek wa, Ku an ushiketa echi utara ne yakka okai kuni gusu Kuani Yaikota En tura no echi koande ash ruwe ne.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Apostoro ikip oma kambi 1:9

Orowa, nei okaibe Shinuma ye okere chiki, utara ingara korʼan rapoketa, Shinuma arikinde nisa ruwe ne; awa, nei utara shiksam wano nishkuru Shinuma uk nisa ruwe ne.

Apostoro ikip oma kambi 8:39

Orowa, nei wakka orowa no yap chiki, Utarapa Ramat Piripos uk wa isam; aige, tewa no nei Eunokos anak ne shomo shinuma nukara, orowa, yainuchattek wa paye nisa ruwe ne na.

I Korintos 15:52

inambe gusu ne yakun, nei rappa humi aashte wa rai utara anak iteki munin kuni-hi otta hetopo-a-shiknure,

II Korintos 5:8

aige, netobake ande wa Utarapa tura unita an rusui ruwe ne.

Piripoi 1:23

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 4:15

Utarapa itak ani tambe echi orun chi ye, shiknu wa okai chi utara, Utarapa ek-hi pakno okai utara anak, son no poka mokonnoye utara etokota paye shomoki kusu ne.

I Tessaronike 4:18

Tambe gusu, tap okai itak ani uwe-utashpa onishnishi yan.

I Tessaronike 5:10

tambe anak, shiruwande ash yakka, mokoro ash yakka, Shinuma tura no ishu ash kuni gusu ne na.

II Petros 3:13

Koroka, Shinuma ki eitakamkire ambe nei no, otta oupeka ambe oshiroma ashiri kando ashiri toitoi chi ehuye korʼan ruwe ne.

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.

Ekambakbe 11:12

Aine, nei utara otta ye kando orowa no an poro hawe anu wa ene itak-hi :— Eteun rikin yan. Aige, nei utara nishkuru onnaige ahup hine kando orun rikin, awa, epokba utara nei ambe nukan nisa ruwe ne na.

Ekambakbe 12:5

Aine, nei shiwentep anak ne yaiyan-kani kan-ni ani obitta no okai moshiri uirup epungine kuni gusu an okkai poho, ainu poho, shikore nisa: awa, koro aiai Kamui orun, Kamui koro amset rikna ehekem nisa ruwe ne.