I Tessaronike 3:8 - Ashiri Aeuitaknup Iyohaichish Yona 1897

⁸ inambe gusu ne yakun, Utarapa oshiketa pirika no echi roshki chiki,

I Tessaronike 3:8 ပူးပေါင်းရင်းမြစ်များ

Iyohaichish 30:5

Shinuma kinrakara ambe anak ne nisako ta patek an, Koro pirika irenga anak moshiri ko-hoppa pakno an ruwe ne: Onuman chish ambe anak ne reushi kuni ne ahun, Koroka, kunneiwano nupetne hawe an na.

Yoannes 15:4

En oshiketa echi okai yan, orowa, echi oshiketa Ku an kusu ne. Ni-tek anak ne pungara otta shomo kotuk chiki yaikota ibe o eaikap korachi, echi utara ne yakka En otta okai shomo ne chiki ibe o eaikap ruwe ne.

Yoannes 15:7

Echi utara En oshiketa okai, orowa, Ku itak anak echi oshiketa an chiki, nep ne yakka echi rengaine koramkoro yakka, echi gusu akara kusu ne na.

Yoannes 8:31

Tambe gusu, Shinuma eishokoro Yudea un utara otta Yesu ene itak-hi :— Ku itak otta echi oshiroma chiki, son no newa Ku goro koikara utara echi ne;

Apostoro ikip oma kambi 11:23

aige, shinuma ek wa Kamui irenga nukara chiki nupetne nisa ruwe ne; orowa, nei utara obitta keutum yupu hine Utarapa otta ko-okai kuni ne onishnishi nisa ruwe ne;

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

I Korintos 16:13

Shiruwande yan, eishokor-i atte wa nishuwamne no roshki yan, okkaiyo ramkoro yan, yaitumashnure yan.

Garatea 5:1

Son no rengaine an nrondum ari an an ambe ani Kiristo anak ne un honnere nisa ruwe ne: tambe gusu, roshki wa iteki ausshiune an rekuchi orunbe gusu aeyausshiunere yan.

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Piripoi 1:21

Kuani gusu shiknu ambe anak ne Kiristo ne, rai ambe anak ne yaiepirikare ambe ne ruwe ne gusu ne na.

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 4:1

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

I Tessaronike 3:7

tapan ikkewehe an gusu, iriwak utara, obitta no okai chi iki kunip newa eramchuptekbe an ita echi iki eishokor-i ankushkeraipo aomaoma nisa ruwe ne;

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

II Petros 3:17

Tambe gusu, aomap an utara, echi utara anak ne etoko wano eraman gusu, ikineipeka, katpak koro utara koro ohaitap ani aekira wa, yaikota koro utumashi shomoki ambe iteki autumashire kuni ne yaitubare yan.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.