I Tessaronike 3:2 - Ashiri Aeuitaknup Iyohaichish Yona 1897

² aige, echi roshkire hemhem ki, echi iki eishokor-i gusu aomaoma hemhem ki gusu, Kiristo koro pirika shongo gusu Kamui otta yaishieiwangere guru chikoro iriwak ne Timoteos echi orun arapare nisa ruwe ne;

I Tessaronike 3:2 ပူးပေါင်းရင်းမြစ်များ

Apostoro ikip oma kambi 16:1

Orowa, shinuma Derbe newa Rustra kotan otta ne yakka ek nisa: aige, ingarʼan, eishokoro shiriki an shine Yudea un shiwentep koro okkai poho Timoteos ari an reihei koro koikara guru an, korota, koro michi anak ne Herenes un guru ne ruwe ne na.

Apostoro ikip oma kambi 16:5

Tambe gusu, karisia un utara anak ne eishokor-i gusu atumashnure, aige, to pishno auinnere nisa ruwe ne na.

Apostoro ikip oma kambi 18:5

Koroka, Siras newa Timoteos anak ne Makedonia kotan wano sap chiki itak ani Pauros akire wa Yesu anak ne Kiristo ne sekoro Yudea un utara otta paweteshu ki.

Roma 16:21

En tura no iki Timoteos anak ne echi uwekap ruwe ne; shui, Roukos newa Yason newa Sosipatros ne yakka.

I Korintos 3:10

En koropare an Kamui irenga nei no kuani anak ne wayashnu chisei kara esapane guru korachi asamaha ku ande nisa, aige, nei kashiketa moshima guru iki wa kan ruwe ne. Koroka, utara pishno hemanda nei kashiketa iki wa kara ya yairamatte yan.

I Korintos 4:17

Tapan ikkewehe gusu. Utarapa oshiketa an ku omap ikipniukesh poho Timoteos echi orun ku omande nisa ruwe ne; neita ne yakka okai pishno an karisia otta ku epakashnu korachi poka, shinuma anak ne Kiristo oshiketa ku an wa iki buri echi eshkarunde kusu ne.

II Korintos 1:1

Kamui irenga ankushkerai Kiristo Yesu koro Apostoro ne Pauros, akoro iriwak ne guru Timoteos tura Korintos kotan ta an Kamui karisia otta hene Akaya moshirʼebitta ta okai ashkanne utara otta hene kambi omande na:

II Korintos 1:19

Inambe gusu ne yakun, echi utara tumugeta kuani newa Siruanos newa Timoteos ne chi utara orowa no aeupaskuma Kamui koro Poho Yesu Kiristo anak ne, “ruwe un” newa “shomo” ari an itak ani an ambe shomo ne, koroka, Shinuma gusu “ruwe un” ari an ambe ani ne ruwe ne gusu ne na.

II Korintos 2:12

Kiristo pirika shongo gusu Troas otta ku ek ita, shui, Utarapa oshiketa en gusu apa asarare wa an ita anak ne,

II Korintos 2:13

ku iriwak ne Titus shomo anukara gusu ku ramat shiturire eaikap nisa ruwe ne: aige, uwetut-kopak wa Makedonia moshiri orun ku oman nisa ruwe ne.

II Korintos 8:23

Titus gusu uwepekennu guru an chiki, shinuma anak echi utara gusu en tura no iki wa monraige korʼan ruwe ne; chikoro iriwak utara gusu echi uwepekennu chiki, nei utara anak karisia utara koro apostoro utara ne, Kiristo koro araguru ne ruwe ne.

Piripoi 1:25

Orowa, tap korachi ku eishokoro gusu, ku an wa riya sekoro ku eraman, ruwe ne wa echi utara eishokoro ki wa naa nupetne no okai kuni ne obitta no okai echi tura no ku an wa ku riya kusu ne;

Korosai 1:1

Kamui rengaine an gusu Kiristo Yesu koro Apostoro ne Pauros newa akoro iriwak ne Timoteos anak ne,

Korosai 1:7

echi utara gusu Kiristo koro ikipniukesh aeyaishieiwangere guru ne chikoro omap an tura iki usshiune Epapras orowa no ka echi yaihannokkara korachi ne;

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

Korosai 4:9

echi tumuge wano an nei ikipniukesh newa aomap an iriwak guru ne Onesimos tura ku omande ruwe ne na. Nei utara anak ne teda an orushpe obitta echi nure kushki na.

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 3:5

Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.

II Tessaronike 2:17

echi koro sambe omaoma hine obitta no okai pirika ikip newa itak otta roshkire kuni akoramkon na.