I Tessaronike 3:11 - Ashiri Aeuitaknup Iyohaichish Yona 1897

¹¹ Tane, chikoro Kamui newa Michihi yaikota, orowa, chikoro Utarapa ne Yesu anak ne echi orun araki ash gusu un epakashnu kuni ne akoramkoro, aige, echi

I Tessaronike 3:11 ပူးပေါင်းရင်းမြစ်များ

Mattaios 6:14

Inambe gusu ne yakun, moshima guru koro katpak echi tusare yakun, kando otta an echi koro michi ne yakka echi tusare kusu ne.

Mattaios 6:18

aokai shomo ramnu ki sekoro moshima guru otta nukara shomoki no nuina wa, an e koro Michi orowa no anukara kuni gusu tambe nei no ki yan; yakun, nuina otta ingara e koro Michihi anak ne pummaha echi koropare kusu ne na.

Mattaios 6:26

Rik peka oman chikap ingara yan, nei okaibe toita shomoki, nanke ka shomoki, pu otta eumashnu ka shomoki, yakka kando otta an echi koro Michihi anak ne nei okaibe ibere ruwe ne. Echi utara nei chikap akkari pase ambe shomo ne ruwe he an?

Mattaios 6:32

obitta tan okaibe anak ne oya guru hunarape ne ruwe ne: koroka, kando otta an echi koro Michi anak ne obitta tan okaibe echi koro kunip ne sekoro eraman wa an ruwe tapan na.

Mattaios 6:4

shimon tek ani echi kip anak ne hariki tek otta iteki nukare yan; yakun, nuina otta nukara echi koro michi anak ne pummaha echi kore kusu ne.

Mattaios 6:6

Koroka, eani anak ne inonno-itak ki chiki, koro tumbu ta ahun, orowa, apa-ushta ashi chiki nuina no e koro Michi otta inonno-itak ki yan, yakun nuina otta nukara e koro Michi anak pummaha e kore kusu ne na.

Markos 1:3

Nup otta ainu hawe anu wa ye, Utarapa ruhu etoko-oiki, Koro apkash ru kuwanno kara yan, sekorobe ne.

Roukos 12:30

Inambe gusu ne yakun, moshiri uirup utara obitta nei okaibe hunara ruwe ne: koroka, tan okaibe anak ne echi koro kunip ne sekoro echi koro Michi eramʼan ruwe ne.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Yoannes 20:17

Orota Yesu ene itak-hi :— Iteki En tomooshma yan; naa shomo Michi otta Ku rikin nisa ruwe ne gusu ne na: koroka, Ku iriwak otta arapa wa, orota, Kuani anak ne Ku goro Michi newa echi koro Michi, Ku goro Kamui newa echi koro Kamui otta Ku rikin ruwe ne, ani an itak ani ye yan, ari itak.

Roma 1:3

nei Poho kam gusu Dabid sanikire ne akara, rai-i orowa no hetopo-a-shiknure-hi gusu,

II Korintos 6:18

Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Korosai 1:2

Korosai kotan ta oshiroma Kiristo oshiketa okai ashkanne utara newa ikipniukesh uiriwak utara orun kambi omande na: chikoro Michi ne Kamui orowa no irenga newa itomo echi gusu anro.

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 4:16

Inambe gusu ne yakun, Utarapa yaikota anak ne hawe ashte, sapane an hauturumbe koro hawe ani, Kamui rappa koro wa kando orowa no ran kusu ne: aige, Kiristo oshiketa rai utara hoshiki no hetopo-shiknu:

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

II Tessaronike 3:16

Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

II Tessaronike 3:5

Utarapa anak ne Kamui omap-i otta hemhem, Kiristo gusu an yaiyupupu ambe otta hemhem echi koro sambe tura kuni akoramkon na.

I Yoannes 3:1

Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.

Ekambakbe 21:3

Orowa no, nei a amset wano oashin hawe ku inu, ene itak-hi :— Ingarʼan, Kamui koro kash anak ne ainu utara tura no an, aige, Shinuma nei utara tura no kash koro kusu ne, orowa, nei utara anak ne Shinuma koro uirup utara ne kusu ne, aine, Kamui yaihekota anak nei utara tura no rok wa koro Kamui ne kusu ne na: