I Tessaronike 2:9 - Ashiri Aeuitaknup Iyohaichish Yona 1897

⁹ Inambe gusu ne yakun, iriwak utara, chi ki monraige ambe newa nuwap ambe echi eshkarun: inan guru ne yakka shomo iramukurukuru kuni ne, tokap to ta hene kunne to ta hene monraige ki, aine, Kamui pirika shongo

I Tessaronike 2:9 ပူးပေါင်းရင်းမြစ်များ

Iyohaichish 32:4

Tokap to hene kunne to hene E teke anak ne en kashiketa pase ruwe ne gusu, Ku pehe anak aitasare wa sak-un-pa satpe korachi sat nisa ruwe ne. [Sera.]

Iyohaichish 88:1

AA Ehoba ne en kashiobiuki Kamui, Tokap-to ta ne yakka kunne-to ta ne yakka E kotchaketa hawe ku ashte nisa:

Roukos 18:7

Orowa, tokapto ta hene kunne to ta hene orota ko-hawe ashte koro anumge wa okai utara gusu Kamui anak ne otta eramushiporore wa ikemnu kara shomoki ya?

Roukos 2:37

orowa, ine pa ikashima ine hotne pa pakno shiyompiyara ne ruwe ne), nei shiwentep inonno-itak newa shomo ramnu kip ani Kamui otta yaishieiwangere wa kunne-to ta hene tokap-to ta hene Kamui kora kenru orowa no oman shomoki nisa ruwe ne.

Apostoro ikip oma kambi 18:3

orowa, shinuma anak ne ukorachi an moni gusu iki guru ne wa gusu, tura no reushi hine iki nisa ruwe ne; iki kuni gusu an moni anak ne kash karape ne ruwe ne gusu ne na.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Apostoro ikip oma kambi 20:31

Tambe gusu, shiruwe yan, orowa, re pa uturuta kuani nupe poka yaikorange iki hine kunne-to ta hene tokap-to ta hene yomne shomoki no echi pishno ku epakashnu nisa ruwe ne a ambe eshkarun yan.

Roma 1:1

Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 15:19

Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;

I Korintos 4:12

samata, uni sak no okai ruwe ne; monraige wa yaikota koro teke ani ikichi; aiyoitakushi chiki, nunuke ash, aepokba chiki, eyaishiporore ash; iyohaigekara chiki,

I Korintos 9:15

tap okaibe pon no ka ku eiwange shomoki nisa ruwe ne: orowa, en gusu nei no aki kuni ne tap okaibe shomo ku nuye ruwe ne: inambe gusu ne yakun, nenka ku ki yaiomonnure ambe raka-sakte kasu no ku rai yakne pirika ruwe ne.

I Korintos 9:18

Yakun, ku uk iwayehe nepta? Pirika shongo ku eupaskuma ita oro isam no nei pirika shongo ku ki kuni ambe ne, okese pakno pirika shongo gusu an ku atarimaye shomo ku eiwange kuni gusu ne ruwe ne na.

I Korintos 9:4

Ibe hene ki iku hene ki kuni rengaine an mondum shomo chikon ruwe he an?

II Korintos 11:27

shunge iriwak utara tumugeta ayaikikipi an, imontabire wa nuwap; kanna-kanna shiruwande ki, ibe rusui iku rusui, kanna-kanna shomo-ramnu ki, meraige newa atusa ruwe ne.

II Korintos 11:9

orowa, echi tura no ku an wa eishiramnep an ita anak ne, inan guru ne yakka shomo ku iramu-ikurukurure nisa; iriwak utara Makedonia kotan orowa no araki ita ku eishiramnep eramushinnere nisa ruwe ne gusu ne na; orowa, nep ne yakka gusu iteki echi iramu-ikurukuru kuni ne ku yaishikkashima nisa ruwe ne; shui nei no ku an kuni ku yaishikkashima kusu ne na.

II Korintos 6:5

aeishiramne-hi otta hene, yairamkoiki ambe otta hene, shirikik ambe otta hene, ipakashnu chisei otta aomare ambe otta hene, sakayo otta hene, moni otta hene, shiure ambe otta hene, shomo ramnu ki ambe otta hene; turu-sakbe otta hene,

Piripoi 4:16

Tessaronike otta poka kuani aeishiramnep an gusu kanna-kanna en otta echi teshkara nisa ruwe ne gusu ne na.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

I Tessaronike 2:2

echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

I Tessaronike 2:6

samata, Kiristo koro Apostoro utara ne-hi korachi an wa echi orowa no a un eoripakte kuni ne ki eashkai ita anak, echi orowa no ne yakka, moshima utara orowa no ne yakka, ainu utara orowa no ne yakka airamye kuni ambe shomo chi hunarapa ruwe ne na.

I Tessaronike 3:10

echi kon nanuhu chi nukara hine echi eishokor-i ta eikohaye ambe eramushinnere kuni ne kunne to ta ne yakka tokap to ta ne yakka shiarikiki no inonno-itak ruwe ne na.

I Timoteos 1:11

tambe anak en shikkashimare shinnunuke an Kamui arakuru gusu an pirika shongo nei no an ap ne ruwe ne na.

I Timoteos 4:10

Tan ikkewehe an gusu chi utara anak ne monraige wa shiyuppa no iki, inambe gusu ne yakun, chi utara anak ne obitta no okai utara, makangane eishokor-i atte utara, koro kashiobiukip ne ishu Kamui gusu chipachipa ruwe ne na.

I Timoteos 5:5

Koroka, son no newa shiyompiyara ne hine shinen ne po an shiwentep anak ne Kamui echipachipa, aige, kunne to ta ne yakka tokap to ta ne yakka ramma-kane Kamui koramkoro hemhem ki inonno-itak hemhem ki ruwe ne.

II Timoteos 1:3

Tokap ne yakka kunne ne yakka echi nukan rusui hine okere shomoki no ramma echi eshkarun wa ku inonno-itak, aige, ku goro ekashi utara wano aotke-otke shomo ne an keutum ani otta ku yaishieiwangere Kamui ku yaiiraige na,