I Tessaronike 2:4 - Ashiri Aeuitaknup Iyohaichish Yona 1897

⁴ koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

I Tessaronike 2:4 ပူးပေါင်းရင်းမြစ်များ

Iyohaichish 139:23

Aa Kamui, en pishi wa ku goro keutum onnere wa en kore! En shiruwande wa ku yainu-hi onnere yan:

Iyohaichish 17:3

Aokai anak ne ku keutum shiruwande nisa; anchikara ta Aokai en orun ek nisa ruwe ne; En turusakte wa nep ka shomo E nukara; Ku paroho shomo ohaita kuni ne ku ramu-oshitchiu ruwe ne.

Iyohaichish 44:21

Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.

Iyohaichish 7:9

Aa, wen utara koro wen-buri isamka, koroka, oupeka utara roshkire wa en kore; Inambe gusu ne yakun, oupeka Kamui anak ne keutum newa sambe ikkeu pakno shiruwande ruwe ne.

Roukos 12:42

Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?

Roukos 16:11

Tambe gusu, echi utara anak ne oupeka sak no an ikoro gusu ikipniukesh shomoki yakun, son no ambe echi shitkashimare guru nen ne ruwe he an?

Yoannes 21:17

Re otutanu shui orota, — Yoannes poho Simon, aokai En omap ya? ari itak. Re shuine aokai En omap ya? ani an itak ani orota ye gusu, Petros anak ne oknatara ruwe ne. Awa, orota ene itak-hi :— Utarapa, Aokai anak ne nep ne yakka E eraman; Kuani E omap ash shiri Aokai eraman ruwe ne, ani itak. Orota, Ku hitsuji ibere yan, ani an itak ani Yesu itak.

Roma 8:27

orowa, sambe chimchimi guru anak ne Ramat koro keutum eraman, Kamui irenga nei no ashkanne utara gusu yaikurukata koramkon ruwe ne gusu ne na.

I Korintos 7:25

Tane, umurek guru shomo ne utara gusu Utarapa orowa no an ikashpaotte shomo ku kon ruwe ne: koroka, ikipniukeshbe ne kuni gusu Utarapa orowa no akore rampoken koro guru korachi aesanniyop ku sange na.

I Korintos 9:17

Inambe gusu ne yakun, kuani ku rengaine tambe iki yakun, iwayehe ku goro: koroka, ku rengaine shomo ne no ku ki yakun, otta aeyaishieiwangere kunip a en shikkashimare an na.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

II Korintos 5:11

Tambe gusu, Utarapa ashitoma ambe eraman gusu, chi utara anak ne ainu utara onishnishi ruwe ne a koroka, Kamui otta aeyainukare an na; aine, echi koro keutum ta ne yakka a un aeyainukare kuni ambe ku chipachipa ruwe ne.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Garatea 2:7

sekoro, ku ye: koroka, shinnai kane, Petros otta okarituye buri akire utara gusu pirika shongo ashikkashimare korachi, shomo okarituye buri akire utara gusu nei pirika shongo a en shikkashimare ne sekoro nei utara nukara chiki (inambe gusu ne yakun,

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Epesos 6:6

utara nupetnere anukara kuni gusu shomo ne no, koroka, sarabe osshi wano Kamui irenga ki hine Kiristo koro usshiune utara korachi ki yan;

Korosai 3:22

Ausshiune okai utara, nep ne yakka gusu kara epeka an echi esapane utara koitaknu yan; ainu nupetnere gusu aeshikkoingara kuni korachi shomo ne, koroka, Utarapa gusu iki nei no oheuge sak sarabe koro yan: nep ne yakka echi ki chiki,

I Timoteos 6:20

Aa Timoteos, e shikkashimare an okaibe epungine hine momok an oha-hawe orowa no hene shunge no aye eramushbe epokbap orowa no hene yaiohaitare yan;

II Timoteos 1:14

Aokai ashikkashimare okere pirika ambe gusu anak, e onnaigeta oshiroma wa an Ashkanne Ramat ankushkerai epungine yan.

II Timoteos 2:2

Orowa, inne paweteshu utara tumugeta en otta e nu okere okaibe, epakashnu eashkai sone an moshima utara otta ne yakka shikashimare yan.

Titus 1:3

koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.