I Tessaronike 2:2 - Ashiri Aeuitaknup Iyohaichish Yona 1897

² echi onnere korachi, etokota piripoi kotan ta aeramushitnere wa a un ko shomo yaikatanu okere chiki, chi utara anak ne Kamui gusu yai-rametok koro hine shi no yairamkoiki wa Kamui pirika Shongo echi orun ye nisa ruwe ne.

I Tessaronike 2:2 ပူးပေါင်းရင်းမြစ်များ

Apostoro ikip oma kambi 14:3

Tambe gusu, ohonno nei kotan ta riya wa rametokkon no Utarapa gusu ye, aige, Shinuma anak ne nei utara koro teke ani shirosh newa iyokunnure ambe akire hine koro irenga gusu an itak gusu paweteshu ki nisa ruwe ne.

Apostoro ikip oma kambi 14:5

Orowa, Oya uirup newa Yudea un utara newa koro esapane utara tura wen no iki wa shuma kopiyekara gusu kopiuki kuni ambe an chiki,

Apostoro ikip oma kambi 16:12

nei arabe anak Makedonia moshiri ta an machiya ne, nei kotan un atpake an ushi ne, aatupte utara korobe ne ruwe ne: aige, an toho uturu nei machiya ta riya ash nisa ruwe ne na.

Apostoro ikip oma kambi 16:19

Orowa, ani aeyaiepirikare kunip anak ne oashin wa isam ari an ambe nei shiwentep kon nishpa utara nukara chiki, Pauros newa Siras kishima hine eiyok ushike ta okai esapane utara orun nimba,

Apostoro ikip oma kambi 16:37

Koroka, orota Pauros ene itak-hi :— Roma kotan un utara chi ne, awa, nei utara anak ne un kokatpakte shomoki no anukan no un shirikik hemhem ki upakashnu chisei ta un ahupte hemhem ki nisa; aige, tane arorokishne no un soyumbare ruwe he an? shi an no shomo; koroka, nei utara yaikota araki hine un soyumbarero, ari itak.

Apostoro ikip oma kambi 17:1

Orowa, nei utara anak ne Ampiporis newa Aporonia kotan akush okere chiki, Tessaronika kotan akoshirepa; nei kotan ta Yudea un utara koro uwekarapa chisei an:

Apostoro ikip oma kambi 17:17

Awa, shinuma Yudea un utara newa Kamui ko-oripak utara tura uwekarapa chisei ta hene, samata, otta araki utara tura eihok ushiketa hene kesto range eukoyupekere nisa ruwe ne.

Apostoro ikip oma kambi 19:8

Orowa, shinuma anak ne uwekarapa chisei ta ahun, aige, re chup uturuta rametokkon no itak ki, awa, paekoiki hine Kamui moshiri gusu an orushpe gusu onishnishi nisa ruwe ne.

Apostoro ikip oma kambi 4:13

Orowa nei utara anak ne Petros newa Yoannes koro rametok korobe nukara, samata, kambi-erampeutek wa eramush utara shomo ne ari an ambe eraman chiki, enushkari nisa ruwe ne; aige, nei utara Yesu tura no okai utara ne sekoro eraman.

Apostoro ikip oma kambi 4:20

sekorʼambe echi esanniyo yan: inambe gusu ne yakun, chi utara anak ne nukarape hene inu ambe hene moshima ye eaikap ruwe ne gusu ne na.

Apostoro ikip oma kambi 4:31

Orowa, inonno-itak aokere chiki; otta uwekarapa wa okai ushike ashuyeshuye; aige, nei utara obitta Ashkanne Ramat ani aeshikte, orowa rametokkon no Kamui itak ye nisa ruwe ne na.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 1:1

Apostoro ne kuni gusu anishuk, Kamui pirika shongo gusu shinnai no aande, Yesu Kiristo koro usshuine guru ne Pauros:

II Korintos 3:12

Tap korachi an chipachipa ambe chi koro gusu, shiri rametok koro itak chi eiwange ruwe ne;

Korosai 2:1

Inambe gusu ne yakun, echi utara gusu hemhem, Raodikia un utara gusu hemhem, kara oma ku nanuhu shomo nukara obitta no okai utara gusu hemhem, hemanda yupke no kiroro atte hine ku iki arabe echi eraman kuni ku kon rusui ruwe ne;

I Tessaronike 1:5

inambe gusu ne yakun, chikoro pirika shongo anak ne ouse itak ani patek echi otta ek ka shomoki, koroka, kiroro ani ne yakka, Ashkanne Ramat ani ne yakka, shi no aeshikno an ambe ani ne yakka ek nisa ruwe ne; echi tumugeta chi okai rapoketa echi rengap gusu echi epeka no nekon a ainu chi ne ya echi eraman poka korachi ne ruwe ne na.

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.