I Tessaronike 2:19 - Ashiri Aeuitaknup Iyohaichish Yona 1897

¹⁹ Gusu aechipachipa arabe hene, aenupetnep ne hene, aeyaiomonnure sapaumbe hene nekon a arabe ne ruwe he an? Ek kushki chikoro Utarapa ne Yesu kotchaketa echi utara shomo ne arabe ne ruwe he an?

I Tessaronike 2:19 ပူးပေါင်းရင်းမြစ်များ

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Yoannes 21:22

Orota, Yesu ene itak-hi :— Shinuma Ku ek pakno an sekoro Kuani ramuoshma yakun, e otta nep an a? Eani En osh ek yan, sekoro itak.

I Korintos 15:23

Koroka, utara ebitta nei ikiri an korachi ne: hoshiki no Kiristo; orowa no, Shinuma ek ita,

I Korintos 4:5

Tambe gusu, ipishi ki kuni pakihi etokota, Utarapa ek pakno, iteki koipishi yan, Shinuma ka kunne-i ta anuina wa an okaibe sarare ka ki, samata, keutum oshiketa an yainu-i anukare kusu ne; nei ita anak ne ainu pishno Kamui orowa no ramuaye kusu ne na.

II Korintos 1:14

aine, Utarapa ne Yesu toho ta echi utara gusu chi utara yaiomonnure korachi chi utara ne yakka echi utara gusu yaiomonnure kuni ne, echi utara poka sereke gusu en eraman ruwe ne gusu ne na.

Piripoi 2:16

kuani raka sak no shomo ku hoyupu, raka sak no shomo ku monraige wa, Kiristo koro toho ta kuani yaiomonnure ushike an kuni ne nei no ki yan.

Piripoi 4:1

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

I Tessaronike 2:20

Echi utara anak ne chikoro aeyaiomonnure arabe ne, aenupetnep ne ruwe ne gusu ne na.

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 4:15

Utarapa itak ani tambe echi orun chi ye, shiknu wa okai chi utara, Utarapa ek-hi pakno okai utara anak, son no poka mokonnoye utara etokota paye shomoki kusu ne.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

II Tessaronike 1:4

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

II Tessaronike 1:7

koitaknu shomoki utara koikemnu hine paraparase abe oma koro kiroro un hauturumbe utara tura kando wano ek Utarapa ne Yesu anukara ita echi ramuchuptekka

II Tessaronike 2:1

Iriwak utara, chikoro Utarapa ne Yesu Kiristo ek kusu ne a arabe newa Shinuma orun chi utara uwekarapa ash ambe newa gusu echi koramkoro ash ruwe ne;

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Yakob 5:7

Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

Yakob 5:8

Echi utara poka ramushiporore yan; koro keutum atte yan:

I Petros 5:4

Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

II Petros 1:16

Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.

II Petros 3:4

aige, ene itak kusu ne-hi; — Shinuma ek kuni eitakamkire ambe hunakta an a? inambe gusu ne yakun, ekashi utara mokonnoye orowa no, moshiri akara heashi wano, nep ne yakka ramma-ramma an na,

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

Youdas 1:24

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.

Ekambakbe 22:12

Ingarʼan, tunashi no Ku ek na; aige, koro iki ikip an nei no pishno an guru orun Ku koropare kuni gusu an pummaha Ku kon ruwe ne.