I Tessaronike 2:14 - Ashiri Aeuitaknup Iyohaichish Yona 1897

¹⁴ Inambe gusu ne yakun, iriwak utara, echi utara anak ne Yesu Kiristo oshiketa Yudea kotan ta okai Kamui karisia ikoisamba utara echi ne nisa: echi utara ne yakka yaikota koro moshiri ta okai hine, nei utara anak ne Yudea un utara orowa no aeramushitnere korachi nei no an ambe gusu echi eramushitne ruwe ne gusu ne na:

I Tessaronike 2:14 ပူးပေါင်းရင်းမြစ်များ

Apostoro ikip oma kambi 11:19

Tambe gusu, Stepanos gusu hopuni aramuchuptekbe ankushkerai usa-pishkane shitchari utara anak ne Poinikea newa Kupros newa Antiok pakno payekai wa ouse Yudea un utara otta patek nei itak ye nisa ruwe ne.

Apostoro ikip oma kambi 13:50

Koroka, Yudea un utara anak ne nei machiya ta okai aoripak an aainukoro shiwentep utara newa esapane okkai utara onishnishi wa Pauros newa Barnabas nei kotan okeuba kuni epokbare nisa ruwe ne.

Apostoro ikip oma kambi 14:19

Koroka, Antiok newa Ikoniom kotan wano Yudea un utara nei kotan orun araki: orowa, inne utara onishnishi okere chiki shuma ari Pauros kopiyekara, awa, shinuma rai okere ari kuni ramu gusu nei machiya wano nimba wa paye.

Apostoro ikip oma kambi 14:2

Koroka, itakkashi okai Yudea un utara anak ne Oya uirup sarabe chiukopoye wa nei iriwak orun wen no iki re nisa ruwe ne.

Apostoro ikip oma kambi 14:4

Koroka, nei machiya un inne utara anak ne aeuko-pi an; nimara anak ne Yudea un utara tura no okai, nimaraha Apostoro utara tura ko-okai ruwe ne.

Apostoro ikip oma kambi 14:5

Orowa, Oya uirup newa Yudea un utara newa koro esapane utara tura wen no iki wa shuma kopiyekara gusu kopiuki kuni ambe an chiki,

Apostoro ikip oma kambi 17:13

Koroka, Pauros anak ne Beroia kotan ta ne yakka Kamui itak assuru ashte wa an shiri Tessaronika kotan ta okai Yudea un utara inu chiki, nei kotan ta ne yakka araki wa inne topaha utara chiukopoyere hine utumashire nisa ruwe ne.

Apostoro ikip oma kambi 18:12

Orowa, Gario anak ne Akaia kotan epungine wa an rapoketa, Yudea un utara shine-ikinne Pauros kopiuki gusu hopumba, aige, koipishi set kotchake un shinuma tura wa ene itak-hi :—

Apostoro ikip oma kambi 8:1

Orowa, Sauros anak ne shinuma araige kuni-hi ramuoshma wa an ruwe ne. Orowa, nei toho ta Yerusarem kotan ta an karisia epeka yupke epokba arabe hopuni; awa, apostoro utara shomo ne wa okai utara anak obitta Yudea kotan shikapneka no shitchari nisa ruwe ne.

Apostoro ikip oma kambi 8:3

Koroka, Pauros anak ne karisia kowende, aige, chisei pishno orun ahun wa okkai ainu ne yakka matne ainu ne yakka nimba hine upakashnu chisei ta ahunde nisa ruwe ne.

Apostoro ikip oma kambi 9:1

Koroka, Sauros anak ne Utarapa koro koikara utara gusu sakayo newa iraye hawe ashte wa okai rapoketa, Kamui kora kenru iyotta poro esapane guru otta oman hine Damaskos kotan ta okai uwekarapa chisei orun arapa wa,

Apostoro ikip oma kambi 9:13

Koroka, Ananias ene ese-hi :— Utarapa, inne utara orowa no tan guru gusu an orushpe ku nu, awa, shinuma Yerusarem kotan otta E koro ashkanne utara wen no kara ambe ku nu okere:

Apostoro ikip oma kambi 9:31

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

I Korintos 10:32

nupeki gusu ikichi yan. Yudea un utara gusu ne yakka Herenes un utara gusu ne yakka Kamui koro karisia gusu ne yakka iteki ureepetchiure ambe ande yan:

I Korintos 7:17

Ouse, Utarapa anak ne pishno an ainu otta eimek nei no, Kamui anak ne pishno an guru hotuyekara nei no, ene koracki apkash yan. Obitta no okai karisia gusu nei no ku ipawetenge ruwe ne.

Garatea 1:22

Awa, Kiristo otta an Yudea moshirʼun karisia utara orowa no nei rapoketa shomo ku nanuhu aeamkiri an na:

I Tessaronike 1:1

Pauros newa Sirounos newa Timoteos anak ne Michi ne Kamui oshiketa an Tessaronike un karisia otta kambi omande na: irenga newa itomo echi utara gusu anro.

I Tessaronike 1:6

Orowa, echi utara anak ne poron no aeramchuptek ambe newa Ashkanne Ramat oma yaikopuntek-hi tura itak uk hine chi utara newa Utarapa a un eikoisamba utara ne akan ruwe ne;

I Tessaronike 3:4

Son no newa, echi tura no okai ash ita anak ne echi utara aeramchutekte kusu ne a arabe irammakaka echi nure ash nisa; iki korachi nep, echi eraman korachi ne ruwe ne gusu ne na.

II Tessaronike 1:1

Pauros newa Sirounos newa Timoteos anak ne chikoro Michi ne Kamui newa Utarapa ne Yesu Kiristo oshiketa an Tessaronike kotan un karisia otta kambi omande na;

II Tessaronike 1:4

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;