I Tessaronike 1:5 - Ashiri Aeuitaknup Iyohaichish Yona 1897

⁵ inambe gusu ne yakun, chikoro pirika shongo anak ne ouse itak ani patek echi otta ek ka shomoki, koroka, kiroro ani ne yakka, Ashkanne Ramat ani ne yakka, shi no aeshikno an ambe ani ne yakka ek nisa ruwe ne; echi tumugeta chi okai rapoketa echi rengap gusu echi epeka no nekon a ainu chi ne ya echi eraman poka korachi ne ruwe ne na.

I Tessaronike 1:5 ပူးပေါင်းရင်းမြစ်များ

Markos 16:20

Orowa, nei utara paye wa, neita ne yakka upaskuma ki, Utarapa nei utara tura no ki wa osbi ek shirosb ani koro itak asbte nisa ruwe ne na. Amen.

Roukos 1:1

Iyotta oripak an Teopiros, un tumugeta auweomare an okaibe, atpake wano nukara utara, itak otta auitek utara un koropare nei no,

Apostoro ikip oma kambi 11:21

Orowa, Utarapa tekehe nei utara tura no an: awa, shiri inne no okai eishokoro utara anak ne Utarapa orun hosari nisa ruwe ne.

Apostoro ikip oma kambi 16:14

Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei slriwentep Pauros ye itak gusu ikokanu kuni ne Utarapa anak nei sambe maka nisa ruwe ne.

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Roma 1:16

Kuani anak ne pirika shongo gusu shomo yainikoroshma ruwe ne: inambe gusu ne yakun, nei ambe anak ne hoshiki no Yudea un guru gusu ne yakka, Herenes un guru gusu ne yakka, orowa, pishno pishno okai eishokoro guru gusu ne yakka kashiobiuki kuni gusu an Kamui kiroro ne ruwe ne gusu ne na.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 2:16

tusare hene ki ruwe ne; nei ambe Yesu Kiristo ani, ku koro pirika shongo an korachi, Kamui anak utara aenuinap koipishi toho ta an na.

I Korintos 1:24

koroka, anishuk wa okai utara gusu, Yudea un utara ne yakka Herenes un utara ne yakka, Kiristo anak ne Kamui koro kiroro ne, Kamui wayashnu ambe ne ruwe ne.

I Korintos 10:33

Kuani anak ne nep ne yakka gusu obitta no okai utara nupetnere korachi nep, aine, utara kashiaobiuki gusu inne no okai utara epirikare kuni esanniyo wa yaikota eyaiepirikare ambe shomo yainu korachi ne ruwe ne na.

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

I Korintos 3:6

Kuani anak ne etoita, Aporros wakka chari; koroka, Kamui anak ne shipiraspare nisa ruwe ne.

I Korintos 4:20

Inambe gusu ne yakun, Kamui moshiri anak ne itak gusu an ambe shomo ne,

I Korintos 9:14

Tap korachi pirika shongo eupaskuma ki utara ne yakka pirika shongo gusu an okaibe gusu shiknu kusu ne-hi Utarapa esanniyo nisa ruwe ne na Koroka,

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

Garatea 2:2

Awa, ku oraan-i anak ne a en nukare gusu ku oman nisa ruwe ne; aige, Oya utara tumugeta ku eupaskuma pirika shongo nei utara otta ku nure, koroka, pase ne aesanniyo utara otta arorokishne no ku nure, ikineipeka tambe anak kuani raka sak no shomo hoyupu korʼan hene ki, raka sak no shomo hoyupu okere hene ki gusu ne na.

Garatea 5:5

chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.

Epesos 2:10

kashiaobiuki shomo ki ruwe ne. Chi utara anak ne Shinunra karape ne, pirikap iki gusu Kiristo Yesu otta akan nisa ruwe ne; nei pirika ikip otta apkash kuni ambe Kamui anak ne teeda etoko-oiki nisa ruwe ne na.

Epesos 3:20

Un oshiketa iki kiroro an korachi, chi utara koramkoro hene ki, esanniyo hene ki kasu no naa nuye an no kara eashkaibe otta,

Piripoi 2:13

inambe gusu ne yakun, Kamui anak ne koro pirika irenga rengaine gusu echi onnaigeta iki wa echi keutum attere hemhem ki, echi monraigere hemhem ki ruwe ne gusu ne na.

Piripoi 4:9

Echi utara anak ne eyaihannokkara hene ki, akore hene ki, nu hene ki, en otta nukara hene ki okaibe, tap okaibe kara yan; orowa, itomo koro Kamui echi tura an kusu ne na.

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

I Tessaronike 2:13

Orowa, echi utara anak ne nei a chi ye itak ambe, nei a Kamui korobe echi akore ita, ainu itak ambe nei no shomo auk, koroka, son no an arabe nei no, eisho-koro shiri echi utara onnaigeta iki poka ki Kamui itak nei no echi uk nisa ruwe ne, tan ikkewehe an gusu ne yakka okere shomoki no Kamui koyaiiraige ash ruwe ne.

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

II Timoteos 2:8

Ku iki shongo nei no an, Dabid sanikiri ne, rai-i orowa no hetopo-shiknu Yesu Kiristo eshkarun yan:

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Hebraios 6:11

Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

I Petros 1:12

Kando orowa no aette Ashkanne Ramat ani echi orota pirika shongo eupaskuma ki utara ankushkerai echi anure tan okaibe yaikota gusu ki shomoki no, echi utara gusu ki ruwe ne ambe nei utara aeramande nisa ruwe ne na; Kamui hauturumbe nei okaibe esanniyo rusui nisa ruwe ne na.

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Petros 5:3

shui, echi epungine kuni gusu akorep enishpane shomo ne, koroka, nei topaha gusu aekoikarape gusu yaikara yan.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

II Petros 1:19

Orosama, naa atumashnure wa an uweingara itak chi koro; orowa, kunne-nisat hetuku pakno, echi koro keutum ta tokap-nochiu hetuku pakno, kunne ushiketa nupeki atte ratchako ne-hi korachi, nei ambe gusu echi yaitubare chiki pirika na: