I Tessaronike 1:3 - Ashiri Aeuitaknup Iyohaichish Yona 1897

³ aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

I Tessaronike 1:3 ပူးပေါင်းရင်းမြစ်များ

Yoannes 14:15

Echi utara En omap yakun, Ku ki ikashpaotte echi shikkashima kusu ne.

Yoannes 15:10

Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.

Apostoro ikip oma kambi 10:31

orowa, Kamui kotchaketa e kore eungeraitep anak ne aeshkarun wa an.

Apostoro ikip oma kambi 3:19

Tambe gusu, echi koro katpak aushka kuni ne, yaikokatpak wa hoshippa yan, tambe anak Utarapa tek-sam wano sambe-shiturire pakihi an kusu ne kuni ambe ne;

Roma 12:12

chipachipa wa nupetne; aeramchuptek ita yaiyupupu;

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 15:4

Nep ne yakka etoko wano anuye okaibe anak ne obitta un epakashnu gusu chieshinnuye nisa ruwe ne; chi utara anak ne yaiyupupu ambe gusu hemhem, Kamui nuyere itak gusu hetuku omaoma ambe gusu hemhem chipachipa kuni gusu ne na.

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 16:6

Echi utara gusu poron no iki Maria uwekap an.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

I Korintos 13:13

Orowa, tane anak eishokor-i hemhem, chipachipa-ambe hemhem, omap-ambe hemhem an, tan re okaibe an; koroka, tap otta iyotta pasep anak ne omap ambe ne ruwe ne na.

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 5:13

Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Garatea 6:9

Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

I Tessaronike 3:6

Koroka, Timoteos anak ne tane echi orowa no un orun ek ita echi iki eishokor-i newa omap ambe gusu an pirika shongo hemhem chi utara echi nukan rusui korachi echi un nukan rusui wa ramma-kane pirika no un eshkarun arabe hemhem un nure nisa ruwe ne;

II Tessaronike 1:11

Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

I Timoteos 1:14

orowa, chikoro Utarapa korʼirenga anak Kiristo Yesu oshiketa an eishokor-i newa omap ambe tura shi no nuye an no an nisa ruwe ne na.

I Timoteos 2:3

Nei no ikichi ambe anak ne un kashiobiukip ne Kamui tek-samata pirika newa nupetnere ambe ne;

Hebraios 10:36

Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

Hebraios 11:17

Eishokor-i an gusu Abraham anak ne auwande ita Isaak yange nisa: ruwe un, yaikopuntek no nei aeitakamkirep akore guru anak ne yaikota koro shinen ne poho yange shiriki an nisa;

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

Hebraios 4:11

Tambe gusu, inan guru ne yakka iteki nei no an itakkashi ambe koikara wa hachiri kuni gusu, nei a shini-i otta ahup ash kuni ne shiarikiki no iki anro.

Hebraios 6:15

Aige, tap korachi yaiyupupu wa yaishiporore gusu, shinuma nei aeitakamkirep akore nisa ruwe ne.

I Petros 3:4

Kamui tek-samata shi no ataye nupuru, keutum oshiketa anuina wa an guru, munin shomoki ramu-shiroma newa rotcha keutum ani yaitomte kara yan.

I Yoannes 3:18

Nokan utara, iteki itak ani, parumbe ani, omap ki, koroka, iki-buri newa sonep ani omap yan.

I Yoannes 3:21

Aomap an utara, chikoro keutura anak ne un katpakte shomoki chiki Kamui gusu chi rametokkon ruwe ne;

I Yoannes 3:3

Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.

I Yoannes 5:3

Koro ikashpaotte shikkashima ambe auak ne, tambe anak Kamui omap ambe ne ruwe ne gusu ne na; orowa Shinuma koro ikashpaotte anak ne sei hokambap shomo ne ruwe ne.

Ekambakbe 2:19

E iki ikip hemhem, omap ambe hemhem, eishokor-i hemhem, yaishieiwangere ambe hemhem, yaiyupupu ambe hemhem Ku eraman, orowa, iyoshi e iki ikip anak ne hoshiki no an ambe kasu no inne sekorʼambe Ku eraman.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.