I Tessaronike 1:10 - Ashiri Aeuitaknup Iyohaichish Yona 1897

¹⁰ Kamui anak ne rai i orowa no Shinuma hetopo-shiknure nisa ruwe ne, tambe anak, ek kusu ne irushka-i orowa no un ohaitare Yesu ne ruwe ne na.

I Tessaronike 1:10 ပူးပေါင်းရင်းမြစ်များ

Mattaios 1:21

Nei shiwentep anak ne okkai po hekature kusu ne na; orowa, Shinuma anak ne koro utara koro katpak isamka kuni gusu ne aiai ne gusu, Yesu ani an reihei ani kore yan, sekoro itak.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Mattaios 3:7

Koroka, Baptisma akore kuni ne Parisee un utara newa Saddokai un utara inne no araki shiri nukara chiki, orota ene hawe okai-hi :— Raskuru tokkoni koro sanike ne echi utara, iyoshi no ek irushka ambe orowa no echi kira kuni, inan guru echi epakashnu ruwe he an?

Roukos 2:25

Orowa, Yerusarem kotan ta Simeon ani an reihei koro shine ainu an, nei guru anak ne oupeka newa Kamui eoripak ainu ne, Israeru un utara omaoma kunip chipachipa korʼan ruwe ne:

Roukos 3:7

Aine, baptisma akore gusu otta paye inne utara orota shinuma ene itak-hi :— Paskuru okokko sanike un utara, ek kushki irushka-i orowa no kira kuni-i, nen echi epakashnu ruwe he an?

Apostoro ikip oma kambi 1:11

Gariraya un echi utara, nep gusu echi roshki kane kando orun ingan ruwe he an? echi orowa no kando otta auk tan Yesu kando orun oman ambe echi nukara okere korachi, nei no Shinuma ek kusu ne na, sekoro itak.

Apostoro ikip oma kambi 17:31

Shinuma anak esanniyo okere ainu ani oupeka no ingi moshiri uirup koipishi kuni toho atte nisa ruwe ne gusu ne na; aige, Shinuma anak ne nei guru rai i orowa no hetopo-shiknure-hi ani an ambe ani obitta no okai utara gusu nei arabe sonnere nisa ruwe ne na.

Apostoro ikip oma kambi 2:24

wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne.

Apostoro ikip oma kambi 2:32

Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne.

Apostoro ikip oma kambi 3:15

Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne.

Apostoro ikip oma kambi 3:21

obitta no okaibe kanna aatte pakihi pakno kando anak ne Shinuma uk kunip ne; nei ambe gusu moshiri heashi wano koro Ashkanne uweingara utara paroho ani Kamui itak nisa ruwe ne. Mose ene itak-hi :—

Apostoro ikip oma kambi 4:10

Israeru un obitta no okai utara ne yakka tambe uonnere yan; echi utara utasa chikuni otta kungi kokikkik rai orowa no Kamui hetopo-shiknure Nazaret kotan un Yesu Kiristo kon reihei ankushkerai, Shinuma gusu iwange no an wa tan guru teda echi kotchaketa ash korʼan ruwe ne na.

Roma 1:4

mondum koro Kamui Poho ne ani aesanniyo;

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 4:25

Shinuma anak ne chikoro katpak gusu aekoshi, orowa, a un oupekare gusu hetopo-ashiknure nisa ruwe ne na.

Roma 8:34

Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

I Korintos 1:7

tambe gusu, nep eikrap gusu ne yakka shomo echi ehaita ruwe ne; chikoro Utarapa ne Yesu Kiristo anukara kuni ambe echi untere wa okai ruwe ne;

Garatea 3:13

nei ambe otta ishu kusu ne. Kiristo anak ne un gusu aiyoitakushi ambe ne akara gusu, tuitak gusu an iyoitakushi ambe orowa no un kikiraye nisa ruwe ne: inambe gusu ne yakun, ene chieshinnuye wa an :— Chikuni kata aeokte obitta no okai utara pishno aiyoitakushi an na — sekorʼan itak anuye wa an ruwe

Piripoi 3:20

Chikoro moshiri anak ne kando otta an; nei i wano Utarapa ne Yesu Kiristo ari aye kashiobiukip ek kuni poka chi ehuye wa okai ruwe ne:

Korosai 1:18

Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.

I Tessaronike 1:7

Makedonia newa Akaya kotan ta obitta no okai eishokoro utara gusu aikoikarabe echi ne pakno ne ruwe ne.

I Tessaronike 2:16

aige, Oya un utara kashichiobiuki kuni ne chi itak katu hattoki ruwe ne; aine, ramma-kane koro chikokatpak epa shiriki; koroka, okese pakno nei utara kashita irushka arabe ek an ruwe ne na.

I Tessaronike 2:7

Koroka, iyopakkai-ushi guru yaikota koro poho utara reshpa korachi, chi utara anak ne echi tumugeta ratchitara no okai ash nisa:

I Tessaronike 5:9

Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

II Timoteos 4:1

Kamui shik-samata hemhem, shiknu guru ne yakka rai guru ne yakka koipishi Kiristo Yesu shik-samata hemhem, samata, Shinuma ek kusu ne a ambe newa koro moshiri ankushtapne e onishnishi ash na;

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Hebraios 10:27

koroka, akoipishi kuni ambe newa pokba utara isamka kusu ne a opopmau an abe aramu-hi koishitoma ambe newa an ruwe ne.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Petros 2:21

Tambe gusu, echi anishuk nisa ruwe ne; inambe gusu ne yakun, Kiristo ne yakka echi utara gusu ayairamshitnere, awa, nei kochi otta echi kari kuni ne, echi utara gusu aikoikarabe ande nisa ruwe ne:

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

II Petros 3:12

Kamui ko-oripak hene ki, gusu kando uhuye wa nin, kando orunbe shiri seisek wa ru Kamui toho ek kuni ambe shi no chipachipa hine ehuye hene ki wa, nekon a okai utara chi ne kunip etokosh ruwe he an?

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

Ekambakbe 1:18

Ishu ambe Ku ne ruwe ne; Ku rai nisa, awa, ingarʼan, ramma otusashuishiri pakno Ku ishu ruwe ne, orowa, rai ambe newa Hedes gusu an kangi Ku kon ruwe ne.

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.