I Petros 5:7 - Ashiri Aeuitaknup Iyohaichish Yona 1897

⁷ echi ki nishomap ambe obitta Shinuma otta seire, Shinuma echi esanniyo ruwe ne gusu ne na.

I Petros 5:7 ပူးပေါင်းရင်းမြစ်များ

Iyohaichish 34:15

Ehoba shikihi anak ne oupeka utara orun atte wa okai, Nei utara sange hawe orun Shinuma koro kisaraha atte wa okai ruwe ne.

Iyohaichish 37:5

E apkash ru Ehoba shikkashimare yan; Shinuma gusu eyaikopashte, yakun, Shinuma nei ambe kara kusu ne.

Iyohaichish 40:17

Koroka, kuani anak ne otek-sak wa irapokkari guru ne; Utarapa en esanniyo: Aokai anak ne ikasbiu Kamui ne, en kashiobiukip ne; Aa ku goro Kamui, iteki tere wa en kore.

Iyohaichish 55:22

Ehoba kata e koro ashikerep omare, yakun, Shinuma echi koshiratki kusu ne: Oupeka utara ramma pakno shomo amoimoyegere kuni ne Shinuma ki kusu ne na.

Mattaios 6:27

Echi tumugeta inan guru ka nishomap wa shine ik pakno hene yaikewe porore eashkai ya?

Mattaios 6:28

Hemanda gusu echi rai kunip enishomap ya? Nupuri kata an nonno nekon ne wa hetuku ya, sekoro esanniyo yan:

Mattaios 6:31

aa eishokor-i pon utara humi! tambe gusu, hemanda chi e, hemanda chi ku, shui, nekon a amip ani ayaimire ya? sekoro ye hine iteki nishomap yan;

Markos 4:38

ruwe ne. Shinuma yaikota anak ne chip umta chieninuibe koro wa mokon ruwe ne: aige, utara Shinuma mososo wa orota ene itak-hi :— Epakashnu guru, chi utara aisamka ange shiriki-i Aokai ramu-eunin ruwe?

Roukos 12:22

Orowa, koro koikara utara orota Shinuma ene itak-hi :— Tambe gusu, echi otta Ku ye, echi shiknu kuni gusu hemanda echi e ya? samata, echi kon netobake gusu hemanda echiimi ya? iteki nishomap yan.

Roukos 12:26

Tambe gusu, iyotta ponbe ka-tap echi ki eaikap yakun, nep gusu moshima okaibe gusu echi nishomap ruwe?

Yoannes 10:13

nei guru ayatoine guru ne wa gusu hitsuji shomo ko-eyam no an ruwe ne gusu ne na.

Piripoi 4:6

Utarapa ehange no an. Nep ne yakka gusu iteki nishomap yan; koroka, nep ne yakka gusu iyaiiraige wa inonno-itak ani, koramkor-i ani echi eishiramnep Kamui nure yan.