I Petros 5:4 - Ashiri Aeuitaknup Iyohaichish Yona 1897

⁴ Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

I Petros 5:4 ပူးပေါင်းရင်းမြစ်များ

Iyohaichish 23:1

EHOBA anak ne en resu Kamui ne; nepka en eikohaye ambe isam kusu ne.

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

I Korintos 9:25

Uwetushmak wa iki gurʼanak ne nep nep ne yakka gusu yaishikashima ruwe ne. Onnere yan, nei utara anak ne munin kuni sapa-umbe eungerai gusu ki ruwe ne, chi utara anak shomo muninbe eungerai gusu ki ruwe ne na.

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

Yakob 1:12

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

I Petros 1:4

kando oshiketa eumashnu wa an munin shomoki, turu-sak wa, shomo shumumge eikeshkorobe shikkashimare kuni ne, rai orowa no Yesu Kiristo hetopo-shiknure ambe ani koro poro rampoken gusu ishu chipachipa kuni ambe otta hetopo un shikore,

I Petros 2:25

Hitsuji chikoikip korachi echi ru turainu shiriki wa okai, awa, tane echi kon ramat anak ne koro shiure guru ne echi epungine guru otta hoshipi wa an ruwe ne na.

I Petros 5:2

echi tumugeta okai ekashi utara onishnishi ash na: Echi tumugeta okai Kamui koro topaha reshpa yan, nekon a ka akire wa an gusu shomo ne wa, koroka, Kamui an gusu eyaitupa keutum koro wa esapane yan; samata, aetunne kuni yaiepirikare ambe gusu shomo ne no, etoko-oiki wa an keutum koro wa ki yan;

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.