I Petros 4:4 - Ashiri Aeuitaknup Iyohaichish Yona 1897

⁴ echi utara tap koracki ki wa nei utara tura no wen-sakayo hopunire shomoki gusu aeoyamokte wa aokaigekarʼan na:

I Petros 4:4 ပူးပေါင်းရင်းမြစ်များ

Mattaios 23:25

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, itangi newa orowa aibe sei soige echi ashkannere ruwe ne, koroka, onnaige anak ne ibeshikashure ambe newa eikaunu ambe ani eshik ruwe ne.

Roukos 15:13

Orowa, korope usaraye wa po utara otta koropare nisa ruwe ne. Pon no shiran koro poniune guru anak ne korobe obitta uwekarire hine tuima moshiri orun oman, aige, nei ita hoiyo wa korope obitta ehochari nisa rawe ne.

Apostoro ikip oma kambi 13:45

Koroka, Yudea un utara anak ne nei poro topaha nukara chiki, ikoitupa aeshik wa Pauros ye orushpe eutastasa hine koatcha nisa ruwe ne.

Apostoro ikip oma kambi 18:6

Orowa, nei utara anak ne eshishi wa koatcha yakun, shinuma koro raipi tuituye wa ene itakhi :— Echi koro kem anak ne yaikota echi koro sapa kata an na; Kuani anak ne turu-sakbe ne: tewa no Oya uirup orun ku oman kusu ne na.

Roma 13:13

Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

Epesos 5:18

Samata, otta esanasapte an tonoto gusu iteki ihoshki yan, koroka, Ramat ani aeshik no okai yan; orowa,

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 3:16

echi ohaigekara an wa, Kiristo otta echi iki pirikap wen no ye utara anak ne ayainikoroshmare kuni gusu, katpak isam no an keutum koro yan.

II Petros 2:12

Koroka, tan utara anak ramu-sakbe, chikoikip nepkoro gusu aki kuni an buri koro wa akoiki hene ki a wende hene ki kuni ne hekatu erampeutekbe koatcha, tan utara auak ne, koro ki oupeka sak pummaha gusu aewende,

II Petros 2:22

Nei utara gusu nei son no an itak-maukushtep korachi an na:— Seta anak ne yaikota sange eatup orun hosari, afuraye okere matne buta anak yachi oshiketa yaikirukiru gusu hosari ruwe tapan na.

Youdas 1:10

Koroka, tan utara anak ne yaikota eramnskkare ambe gusu koatcha ki: orowa, ramu-sak no an okaibe rengaine eramanbe korachi, nei utara nei ambe eraman, tap okaibe gusu aisamka ruwe ne na.