I Petros 4:2 - Ashiri Aeuitaknup Iyohaichish Yona 1897

² tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

I Petros 4:2 ပူးပေါင်းရင်းမြစ်များ

Iyohaichish 143:10

Aokai anak ne ku goro Kamui E ne ruwe ne gusu, E korʼirenga ku ki kuni ne en epakashnu wa en kore: E kon ramat pirika ruwe ne; oupeka moshiri ta en ani wa en kore.

Mattaios 12:50

Inambe gusu ne yakun, inan guru ne yakka kando otta an Ku goro Michi irenga ki gurʼanak ne shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne na.

Mattaios 20:4

echi utara ne yakka hat toi otta ahup yan: orowa, nep echi uk kunip yakka echi kore ash na, sekoro itak.

Mattaios 21:31

Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.

Mattaios 7:21

En otta Utarapa, Utarapa, ani ye guru anak ne pishno kando moshirʼotta ahup shomoki; ouse kando otta an Ku goro Michi irenga nei no ki guru patek ahun kusu ne na.

Markos 3:35

ingara wa ene itak-hi :— Ku goro habo Ku goro ainu iriwak utara ingara yan! Inambe gusu ne yakun, nen ne yakka Kamui irenga ki gurʼanak ne, shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne gusu ne na, ari itak nisa ruwe ne.

Markos 7:21

Inambe gusu ne yakun, oshike wano, ainu utara keutum wano wen yainu-hi hene,

Yoannes 1:13

Nei utara anak ne kem utari gusu ahekatpa shomo ne, kam irenga gusu hekatu shomo ne, ainu irenga gusu hekatu shomo ne, koroka, Kamui orowa no ahekatparep ne ruwe ne.

Yoannes 7:17

Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 14:7

Yaikota gusu shiknu guru isam, orowa, yaikota gusu rai guru isama.

Roma 6:11

ishu inotu anak Kamui otta shiknu ruwe ne na. Nei no korachi echi utara ne yakka yaikota anak katpak otta son no echi rai nisa ruwe ne sekoro esanniyo yan, koroka, Kiristo Yesu gusu Kamui otta ishu ruwe ne ani sanniyo yan.

Roma 6:2

Ara shomo. Katpak otta rai okere chi utara anak ne hemanda tewa no nei ambe otta shiknu kusu ne ya?

Roma 7:4

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

II Korintos 5:15

awa, shiknu wa okai utara anak ne tewa no yaikota gusu ishu shomoki, koroka, nei utara kotchane rai wa hetopo-shiknu guru gusu ishu kuni ne Shinuma anak obitta no okai utara kotchane rai nisa ruwe ne.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Epesos 5:17

Tambe gusu iteki ramu-sak no okai yan, koroka, Utarapa irenga nekon a ambe ne ya esanniyo yan.

Epesos 6:6

utara nupetnere anukara kuni gusu shomo ne no, koroka, sarabe osshi wano Kamui irenga ki hine Kiristo koro usshiune utara korachi ki yan;

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 3:3

Inambe gusu ne yakun, echi utara anak ne rai nisa ruwe ne, echi koro inotu Kiristo tura

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

I Tessaronike 5:18

inambe gusu ne yakun, echi epeka no tambe anak Kiristo oshiketa Kamui koro irenga ne ruwe ne gusu ne na.

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

Yakob 1:18

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

I Petros 2:1

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

I Yoannes 2:17

Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.