I Petros 4:16 - Ashiri Aeuitaknup Iyohaichish Yona 1897

¹⁶ koroka, Kiristian gusu nenka ayairamshitnere chiki, iteki yainikoroshma yan; koroka tan reihei an gusu Kamui ramye yan.

I Petros 4:16 ပူးပေါင်းရင်းမြစ်များ

Apostoro ikip oma kambi 11:26

awa, shinuma anukara chiki, Antiok kotan orun tura nisa ruwe ne. Orowa, nei utara ramne shine pa poka nei karisia tura uwekarapa wa okai hine inne utara epakashnu nisa ruwe ne; aige, koikara utara anak ne Antiok kotan ta hoshiki no Kiristian ari an reihei ani areikore nisa ruwe ne na.

Apostoro ikip oma kambi 26:28

Pauros otta Agrippas ene itak-hi :— Pon no ka en onishnishi wa Kiristian ani en kara kuni e ramu rusui ruwe ne.

Apostoro ikip oma kambi 28:22

Koroka, aokai anak ne nekon a e yainu ya chi nu rusui; inambe gusu ne yakun, tan epakashi oma utara gusu anak ne nei ita ne yakka wen no aye ambe ne ruwe ne gusu ne na, ari itak.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Piripoi 1:20

sekoro ku eraman; kuani ara kon rusui wa chipachipa ambe anak ne ene ani ne, nep ne yakka gusu shomo a en yainikoroshmare koroka, ramma korachi tane poka, ku shiknu yakka, ku rai yakka, Kiristo anak ne ku netobake otta pasere kuni ambe ne ruwe tapan na.

Piripoi 1:29

inambe gusu ne yakun, Kiristo ankushkerai echi utara anak ne ouse Shinuma eishokoro patek shomo ne, koroka, Shinuma rengap gusu ayairamshitnere kuni-hi ne yakka echi otta akore ruwe ne:

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

Yakob 2:7

Ari echi reikore an aeoripak an reihei nei utara koatcha shomoki ruwe he an?

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

I Petros 4:14

Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

I Petros 4:19

an? Tambe gusu, Kamui irenga gusu ayairamshitnere utara poka pirikap iki wa ikipniukesh moshiri kara Kamui otta koropare yan.