I Petros 4:14 - Ashiri Aeuitaknup Iyohaichish Yona 1897

¹⁴ Echi utara anak ne Kiristo reihei gusu akosakayokara an chiki, echi anunuke ne; inambe gusu ne yakun, nupeki Ramat newa Kamui Ramat anak ne echi kashiketa okai shiri ne gusu ne na.

I Petros 4:14 ပူးပေါင်းရင်းမြစ်များ

Iyohaichish 146:5

Kashiobiuki gusu Yakob koro Kamui koro gurʼanak ne, Koro Kamui ne Ehoba orun chipachipa gurʼanak ne anunuke ne:

Iyohaichish 49:9

Nei guru anak ne ramma pakno shiknu wa, Iyurui shomo nukara kuni ne kara eaikap ruwe ne na.

Iyohaichish 89:51

Aa Ehoba, nei ambe ani E epokba utara aeyainikoroshmarere, Nei ambe ani nei utara anak ne E koro kashiaotap yainikoroshmare nisa ruwe ne.

Mattaios 5:11

Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.

Mattaios 5:16

Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.

Roukos 6:22

Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.

Yoannes 15:21

Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.

Yoannes 8:48

Yudea un utara ese wa Shinuma otta ene itak-hi :— Eani anak ne Samaria un guru ne, nitne kamui ituren guru E ne ruwe ne, ani shomo chi ye ya?

Yoannes 9:28

Tata otta nei utara anak ne shinuma oitakushi wa ene itak-hi :— Eani anak ne Shinuma koro koikara guru e ne; koroka, chi utara anak Mose koro koikara utara chi ne ruwe ne.

Yoannes 9:34

Nei utara ese wa shinuma otta ene itak-hi:— Eani anak ne oara katpak otta hekatu, awa, eani un epakashnu ya? Orowa no, shinuma emaka nisa ruwe ne na.

Apostoro ikip oma kambi 13:45

Koroka, Yudea un utara anak ne nei poro topaha nukara chiki, ikoitupa aeshik wa Pauros ye orushpe eutastasa hine koatcha nisa ruwe ne.

Apostoro ikip oma kambi 18:6

Orowa, nei utara anak ne eshishi wa koatcha yakun, shinuma koro raipi tuituye wa ene itakhi :— Echi koro kem anak ne yaikota echi koro sapa kata an na; Kuani anak ne turu-sakbe ne: tewa no Oya uirup orun ku oman kusu ne na.

Apostoro ikip oma kambi 28:22

Koroka, aokai anak ne nekon a e yainu ya chi nu rusui; inambe gusu ne yakun, tan epakashi oma utara gusu anak ne nei ita ne yakka wen no aye ambe ne ruwe ne gusu ne na, ari itak.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

II Korintos 12:10

Tambe gusu, Kiristo korʼirenga ankushtapne kuani katchakbe gusu, aeiwendep gusu, aeishiramnep gusu, aepokbap gusu, yairamkoiki ambe gusu ku enupetne ruwe ne: inambe gusu ne yakun, katchak no ku an ita, nei ita anak ku kiroroashnu ruwe ne gusu ne na.

II Korintos 4:10

Yesu koro inotu poka chikon netobake oshiketa anukara kuni ne, ramma kane akon netobake otta Yesu araige ambe sei shiri an ruwe ne.

II Korintos 4:16

Tambe gusu chi utara shomo ramu-rai; koroka, chikoro soige an ainu anak ne munin koran a yakka, onnaigeta an ainu anak ne to pishno ashirikara an ruwe ne.

Garatea 1:24

sekorʼan assuru nu nisa ruwe ne; aige, en gusu nei utara Kamui ramye nisa ruwe tapan na.

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Yakob 1:12

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

Yakob 5:11

Ingarʼan, yaishiporore ki a utara anunuke ne sekoro chi ye: Yob ki yaishiporore ambe echi nu nisa, orowa, Utarapa anak ne chishildraine ani aeshik wa rampoken kore Utarapa ne sekoro echi nukan nisa ruwe ne na.

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 3:14

echi wende guru nen ne ruwe he an? Koroka, oupekap gusu echi ayairamshitnere an yakun, echi anunuke ne: iteki nei utara ashitoma ambe gusu ishitoma yan, iteki yaikota eyairamusarakka yan; koroka,

I Petros 3:16

echi ohaigekara an wa, Kiristo otta echi iki pirikap wen no ye utara anak ne ayainikoroshmare kuni gusu, katpak isam no an keutum koro yan.

I Petros 4:16

koroka, Kiristian gusu nenka ayairamshitnere chiki, iteki yainikoroshma yan; koroka tan reihei an gusu Kamui ramye yan.

II Petros 2:2

Orowa, inne utara anak ne nei utara koro ramupekere iki buri kara kusu ne; tambe gusu, nei utara okai gusu son no an ruhu anak ne akoatcha kusu ne na.